Tito 1:16 - Biblia Kikutu

¹⁶ Wanhu awo olonga kamba omjuwa Imulungu lakini sang'hano zao zolagusa kamba omulema. Wanhu ogevula mizoyo na hawategeleza, hawafaya kwa mbuli yoyose inogile.

Tito 1:16 ပူးပေါင်းရင်းမြစ်များ

Nongezi 30:12

Hana wanhu oyona wana haki, kumbe wang'hali hawana sunhigwa gehile gao.

Kupetigwa 24:16

usenga wa munhu yahulike mbuli za Imulungu. Munhu yagajuwile gaja ga Imulungu yeli Uchanha Ng'hani. Munhu yalagusiligwe vinhu na Mndewa Imulungu yeli na Udahi wose. Munhu yagwile kingubanguba na meso gake gona gose.

Walumi 1:28

Kwavija wanhu awo walema kumjuwa Imulungu kwa nzewele zao, Imulungu nayo kawaleka wakweleleze nzewele zao zihile, nao wasang'hana mbuli zigomesigwe kusang'hanwa.

Waefeso 5:6

Sikumutogole munhu yawavizile kwa mbuli za ubozi, kwavija kwa mbuli azo ng'hasiliki ya Imulungu yowezila wanhu wose oleka kumtegeleza.

1 Timoseo 1:9

Tolondigwa tujuwe kamba Malagizo hagekigwe kwa wanhu otenda ganogile, lakini kwa hewo obena Malagizo na otenda gehile na wanhu hawamtegeleza Imulungu na hewo otenda nzambi na kwa hewo hawamtambikila Imulungu hebu hawatogola chochose na kwa hewo owakoma tata zao hebu mama zao na kwa hewo wakomaji,

1 Timoseo 5:8

Kamba munhu yoyose hawatonga wanhu wa lukolo lwake, ng'hani ng'hani awo weli mng'anda mmwake, munhu ayo kakubeza kutamanila na keha ng'hani kubanza imunhu hamtogola Yesu.

2 Timoseo 3:17

avo munhu yomsang'hanila Imulungu yadahe kutenda goya, na yadahe kusang'hana kila sang'hano inogile.

Tito 3:1

Wakumbuse wanhu wawategeleze wakulu na watawala, na waitande kusang'hana kila sang'hano inogile.

Tito 3:3

Aho umwaka siye tukala wabozi, tuleka kutegeleza, tuviziligwa na tukala watumwa wa kusulukila vinhu vitulondile, tukala kwa gehile na migongo, wanhu watwihila na siye tuwehila.

1 Yohana 2:4

Munhu yolonga, “Nimjuwa heyo,” lakini hagagoga malagizo gake, munhu ayo koviza na kweli yamduhu mgati yake.

Yuda 1:4

Kwavija wanhu hawamjuwile Imulungu wengila kwa kinyelegezi hagati yetu, wanhu awo ougalusa usenga wa ng'hekewa ya Imulungu kamba kinhu cha kutendela ugoni na ombela Yesu Kilisito, yeli Mkulu wetu yaiyeka na Mndewa. Wanhu awo nhaguso yao yandikigwa toka mwaka mna Gamaandiko Gang'alile.

Ugubulo 21:27

Kuduhu kinhu chochose kihile chonda kingile kudibuga dijo. Kuduhu munhu yotenda mbuli zigela kinyala hebu yoviza yonda yengile mumo. Wanhu waja waiyeka matwaga gao gandikigwa mna ikitabu cha ugima cha Mwanang'hondolo wao onda wengile kudibuga dijo.

Ugubulo 21:8

Lakini wanhu odumba na oleka kutogola na wanhu otenda mbuli zigevuza na wakomaji na wagoni na wahawi na wanhu ovitambikila vinyago na wavizi, wose hanhu hao kudilamba da moto na mabwe gokwaka, ayo iyo ifa ya kabili.”

1 Samweli 15:22

Lakini Samweli kamulongela, “Kwigizaga Mndewa Imulungu kolonda ng'hani nhosa za kusoma moto na sadaka ziyagwe, kubanza kuitegeleza sauti yake? Lola, kumtegeleza heyo kunoga kubanza nhosa. Kumtegeleza heyo kubanza mavuta ga ng'hondolo.

1 Samweli 15:24

Baho Sauli kamulongela Samweli, “Nhenda mbuli ihile. Nigabena malagizo ga Mndewa Imulungu na malagizo gako, kwavija niwadumba wanhu na kuwategeleza wao.