Nongezi 16:2 - Biblia Kikutu

² Munhu kokona nzila zake zose zinoga mgameso gake, lakini Mndewa Imulungu ayo yopima gaja geli mmoyo wa munhu.

Nongezi 16:2 ပူးပေါင်းရင်းမြစ်များ

Nongezi 21:2

Munhu kokona nzila zake zose zinoga mgameso gake, lakini Mndewa Imulungu ayo yopima gaja geli mmoyo wa munhu.

1 Samweli 16:7

Lakini Mndewa Imulungu kamulongela Samweli, “Sikuulole kihanga chake hebu utali wake, niye nimulema kwavija niye sitenda kamba viwotenda wanhu. Wanhu olola lukuli lwa kunze lakini niye nolola mgati muumoyo.”

Luka 16:15

Yesu kawalongela, “Mweye awo wanhu muitenda munoga mgameso ga wanhu, lakini Imulungu kaijuwa mizoyo yenu. Kwavija vinhu vikoneka vinoga ng'hani kwa wanhu, mgameso ga Imulungu vokoneka viha.

Nongezi 30:12

Hana wanhu oyona wana haki, kumbe wang'hali hawana sunhigwa gehile gao.

Nongezi 24:12

Kumwande sambi ulonge, “Hatutangile,” kwavija Imulungu ayo yopima gaja geli mmizoyo ya wanhu, heyo ayo yokaliza ugima wako, komuliha kila munhu kwa sang'hano zake.

Zabuli 36:2

Imunhu yehile koinogela mwenyego, na kogelegeza kamba gehile gake hagajuwigwa na kuduwiligwa.

Nongezi 5:21

Kwavija nzila za munhu za kuulongozi wa Mndewa Imulungu, heyo kochona kila kinhu chonda yasang'hane munhu.

Nongezi 16:25

Hana nzila yokoneka kamba inoga kwa munhu, lakini uhelelo wake mwiiifa.

Ugubulo 2:23

Vivija nowakoma wanhu omkweleleza, abaho vibumbila vose va wanhu onhogola vojuwa kamba nene heyo nilola goya goyogesa na goyolonda kila munhu. Nomuliha kila imoja wenu kamba vimsang'hane.

Ugubulo 2:18

“Kwa msenga wa kuulanga wa kibumbila cha wanhu wamtogole Yesu ako Tuatila wandike vino, “Usenga uno olawa kwa Mwana wa Imulungu, yeli na meso gong'ala kamba moto ukwaka, na magulu gong'ala kamba shaba isomigwe.

1 Samweli 2:3

Lekeni kuitapa, lekeni kulonga bezi. Kwavija Mndewa Imulungu ayo Imulungu yojuwa gose, kubitila heyo gose gotendwa gopimigwa.

Nongezi 12:15

Mbozi koyona nzila yake inoga, lakini yeli na ubala kotegeleza magesa.

Kupetigwa 22:32

Msenga ayo wa Mndewa Imulungu, kamulongela Balaamu, “Habali kumtowa kihongwe wako miyanza midatu? Niye niza kukukimila, kwavija hulondigwa uchole kuko.

Wasemi 7:6

Wanhu wadehile gamazi kwa makono gao na kugalambita kamba umbwa wakala magana madatu. Lakini wose wayagwe wasigale wang'wa gamazi kwa kufugama.

Wasemi 17:6

Siku azo kukala kuduhu mndewa mwiisi ya Izilaeli, kila munhu katenda kamba viyalondile.

Nongezi 17:3

Zahabu na shaba vopimigwa muumoto, lakini Mndewa Imulungu ayo yopima mizoyo ya wanhu.