Nongezi 1:6 - Biblia Kikutu

⁶ Odaha kutanga nongezi na mafambulo gake, ozitanga mbuli za wanhu weli na ubala na vitendawili vao.

Nongezi 1:6 ပူးပေါင်းရင်းမြစ်များ

Zabuli 49:4

Notega gwiti jangu nhegeleze nongezi, notegula kitendawili kwa bango.

Zabuli 78:2

Nogubula mulomo wangu kwa mzungu, nolonga ulonzi ufisigwe kulawa umwaka,

Nongezi 24:23

Zino nongezi za wanhu weli na ubala. Kutagusa kwa kulola kihanga cha munhu hakunogile bule.

Kupetigwa 12:8

Niye nolonga na heyo kihanga kwa kihanga, silonga kwa kuzunguluka. Heyo konyona niye Mndewa Imulungu vinili. Avo habali hamdumbile kumulonga vihile msang'hanaji wangu Musa?”

Maluko 4:11

Yesu kawalongela, “Mweye mugweleligwa kuzijuwa mbuli zifisigwe za Undewa wa Imulungu, lakini awo weli kunze ohulika mbuli zose kwa simo,

Maluko 4:34

Halongile nao kinhu chochose bila simo, lakini viwakalile waiyeka na wanahina zake, kawafambulila vinhu vose.

Waebulania 5:14

Lakini ndiya ndala ya wanhu wabala goya, kwavija awo waifunza kwa kutenda ili wajuwe ganogile na gehile.

2 Petulo 3:16

Paulo kandika mbuli zizija mzibaluwa zake zose, kandika mbuli zino. Baluwa zake zina mbuli ziyagwe ndala kuzijuwa, na wanhu wayagwe wabozi na otanga tanga ofambula vihile kamba viwofambula vihile vifungu viyagwe va Maandiko Gang'alile. Avo oigalila magayo gao wenyego.