Matayo 9:13 - Biblia Kikutu

¹³ Lakini choleni mkaifunze mna Gamaandiko Gang'alile, Imulungu kalonga, ‘Kinilonda niye bazi, siyo nhosa.’ Niye sizile kuwakema wanhu ogesa wanoga, lakini niza kuwakema wanhu wene nzambi.”

Matayo 9:13 ပူးပေါင်းရင်းမြစ်များ

Nongezi 21:3

Kusang'hana ganogile na ga haki, komnogeza Mndewa Imulungu kubanza nhosa.

Matayo 12:3

Yesu kawedika, “Hamusomile kija kiyatendile Daudi, kipindi heyo na wayage viwakalile na nzala?

Matayo 12:5

Vino hamusomile mna Gamalagizo ga Musa, kila siku ya Kubwihila walava nhosa obena lagizo da siku ya Kubwihila mna Ing'anda ya Imulungu, na hawakoneka kamba wabananga?

Matayo 12:7

Maza mujuwile fambulo da ulonzi uno, ‘Nolonda bazi, silonda sadaka,’ sambi muwataguse wanhu welibule gehile.

Matayo 19:4

Yesu kawedika, “Vino hamugasomile bule Maandiko Gang'alile vigalonga kulawa kuna ichanduso, Imulungu kamulumba mbigalo na mtwanzi?

Matayo 21:42

Yesu kawalongela, “Hamusomile mna Gamaandiko Gang'alile, ‘Dibwe wadilemile wazengaji, sambi digalamuka dibwe kulu kubanza gose. Mbuli ino itendigwa na Mndewa nayo yotukanganya.’ ”

Matayo 3:2

Kawalongela, “Lekeni nzambi zenu kwavija Undewa wa kuulanga wammabehi!”

Matayo 3:8

Musang'hane gaja gonda galaguse muzileka nzambi zenu.

Matayo 4:17

Kulawa kipindi acho Yesu kasonga kuwapetela usenga wake, “Lekeni nzambi zenu, kwavija Undewa wa kuulanga wammabehi.”

Maluko 12:26

Kwa mbuli ya kuzilibuka kwa wanhu wafile, hamusomile mna ikitabu cha Musa mbuli ya kisolo kikwaka? Imulungu kamulongela Musa, ‘Niye na Imulungu wa Abulahamu na wa Isaka na wa Yakobo.’

Maluko 12:33

Kumnogela Imulungu wako kwa moyo wako wose na kwa nzewele zako zose na kwa nguvu zako, na kumnogela miyago kamba viuinogela mwenyego, kunoga ng'hani kugoga Malagizo gano mabili kubanza kumulavila Imulungu nhosa za wanyama na nhosa ziyagwe.”

Maluko 2:17

Yesu viyahulike avo kawedika, “Wanhu wagima hawamulonda mganga, ila wanhu watamu omulonda. Sizile kuwakema wanhu ogesa wanoga, niza kuwakema wanhu wene nzambi.”

Luka 10:26

Yesu kamwidika, “Vino, Malagizo golongaze na gweye kogajuwaze?”

Luka 19:10

Kwavija Mwana wa Munhu keza kuwazahila na kuwakombola waja wapotele.”

Luka 24:47

kwa twaga jake, usenga opetigwa kwa wanhu wa isi zose, kusongela Yelusalemu, ili waleke nzambi zao na Imulungu yazigele kumgongo.

Luka 5:31

Yesu kawedika, “Wanhu wagima hawalonda mganga, lakini waja weli watamu omulonda mganga.

Luka 5:32

Sizile kuwakema wanhu ogesa wanoga, lakini niza kuwakema waja wene nzambi waleke.”

Yohana 10:34

Yesu kawedika, “Vino hayandikigwe mna Ikitabu chenu cha malagizo kamba Imulungu kalonga, ‘Mweye mwa walungu?’

Sang'hano 11:18

Viwahulike avo, waleka kumulonga na wamtogola Imulungu, walonga, “Vivija Imulungu kawagwaa wanhu haweli Wayahudi nyafasi ya kuleka nzambi na kubokela ugima wa milele!”

Sang'hano 2:38

Petulo kawalongela, “Kila imoja wenu kolondigwa yaleke nzambi na yabatizigwe kwa twaga da Yesu Kilisito, na Imulungu kozigela kumgongo nzambi zenu na mobokela Loho Yang'alile yeli nhunza.

Sang'hano 20:21

Niwazuma ng'hani Wayahudi na wanhu haweli Wayahudi wazileke nzambi zao na wambwelele Imulungu na kumtogola Mndewa wetu Yesu.

Sang'hano 3:19

Lelo lekeni nzambi zenu mumbwelele Imulungu, ili Imulungu yazigele kumgongo nzambi zenu.

Sang'hano 5:31

Imulungu kamwinula mbaka mwambu wa mkono wake wa kudila kamtenda Kilongozi na Mkombola, kuwatenda wanhu wa Izilaeli waleke nzambi zao na Imulungu yazigele kumgongo.

2 Petulo 3:9

Mndewa hakawa bule kutenda gaja gayawalongele kamba wanhu wayagwe viwogesa kokawa. Heyo kofunga umoyo mbuli yenu, kwavija halonda munhu yoyose yabanangigwe, lakini kolonda kila munhu yaleke nzambi zake.