Matayo 8:8 - Biblia Kikutu

⁸ Mkulu ayo kamwidika, “Go mkulu niye sifaya gweye wingile mng'anda yangu. Lakini longa mbuli na msang'hanaji wangu kohona.

Matayo 8:8 ပူးပေါင်းရင်းမြစ်များ

Mwanduso 32:10

Niye sifaya koneligwa bazi na moyo unogile unitendele niye msang'hanaji wako. Vinilokile mwambu wa Yolidani ng'hala nabule kinhu chochose ila mkongoja, lakini sambi ninago mabumbila gago mabili.

Zabuli 10:17

Gweye Mndewa Imulungu, kuhulika viyopula imunhu mkiwa, komgangamiza na komgwaa nguvu, kotegeleza kililo chake.

Zabuli 107:20

Koituma mbuli yake iwahonye, kowalava mwiiifa yao.

Zabuli 33:9

Kwavija kalonga na isi iwa kuko, kalagiza na isi ilawilila.

Kupetigwa 20:8

“Sola fimbo yako, abaho gweye na Haluni, muwating'hanize iwanhu wose wa Izilaeli. Abaho mgameso gao udilongele dibwe dili kuulongozi wao dilave mazi gake. Avo utende dibwe dilave mazi ili iwanhu wose wa Izilaeli na fugo yao wang'we mazi gago.”

Matayo 3:11

Niye nowabatiza mweye kwa mazi kulagusa muzileka nzambi zenu. Lakini yonda yeze kuchugu changu kowabatiza kwa Loho Yang'alile na kwa moto, heyo munhu mkulu kubanza nene, niye sifaya hata kupapa vilatu vake.

Matayo 3:14

Lakini Yohana kalonda kumgomesa Yesu, kalonga, “Niye nolondigwa nibatizigwe na gweye, habali kokwiza kumwangu?”

Matayo 8:3

Yesu kamgolosela mkono wake, kamkwasa munhu ayo kalonga, “Nolonda, hona!” Bahaja munhu ayo kahona.

Matayo 8:7

Yesu kamulongela, “Nochola kumuhonya.”

Matayo 8:9

Na niye vivija na hasi ya udahi wa wakulu na nina wakalizi hasi yangu. Nahamulongela ino ‘Chola!’ nayo kochola, nahamulongela iyagwe ‘Izo!’ nayo kokwiza, vivija nahamulongela msang'hanaji wangu, ‘Tenda vino!’ nayo kotenda vivo.”

Luka 15:19

Sifaya kukemigwa mwanago. Nhende kamba imoja wa wasang'hanaji zako.’

Luka 15:21

Mwanage kamulongela, ‘Tata, nimtenda Imulungu nzambi, na vivija nikutendela gweye. Sifaya kukemigwa mwanago.’

Luka 5:8

Simoni Petulo viyachonile kija kilawilile, kamfugamila Yesu mmagulu, kalonga, “Mndewa, segela haulongozi wangu, niye nimema nzambi!”

Yohana 1:27

Kokwiza kuchugu kumwangu, lakini niye sifaya hata kudohola nzabi za vilatu vake.”