Matayo 8:16 - Biblia Kikutu

¹⁶ Ichungulo viivikile, wanhu wamgalila Yesu wanhu wengi wakalile na vinyamkela. Yesu kawalava vinyamkela kwa kulonga na kawahonya wakalile watamu.

Matayo 8:16 ပူးပေါင်းရင်းမြစ်များ

Kulawa 15:26

Kawalongela, “Kamba monitegeleza goya niye Mndewa Imulungu wenu kwa kutenda ganogile mgameso gangu, na kugoga Malagizo gangu, na niye siwakoboza bule kwa mitamu iniwagalile Wamisili. Kwavija niye ayo Mndewa Imulungu niwahonyaga mweye.”

Matayo 12:22

Abaho wanhu wayagwe wamgalila Yesu msuwameso na halonga, kwavija kakala na kinyamkela. Yesu kamuhonya, kadaha kulonga na kulola.

Matayo 14:14

Yesu viyahumuluke mwiingalawa, kaluwona lunhu mkulu lwa wanhu, kawonela bazi, kawahonya wanhu wakalile watamu.

Matayo 8:15

Yesu kamgoga mkono wake na homa imulawa, nayo kenuka kasonga kuwasang'hanila.

Matayo 8:33

Wasusilaji wa nguluwe awo wakimbila, wachola kudibuga, ako walonga mbuli zose zilawilile na walonga mbuli ya wanhu waja wakalile na vinyamkela.

Matayo 9:2

Wanhu wayagwe wamgalila munhu yaholole lukuli, yatambalale mulusazi. Yesu viyone kutamanila kwao, kamulongela munhu ayo yaholole, “Mwanangu, gangamala! Nzambi zako zigeligwa kumgongo.”

Maluko 2:3

Abaho weza wanhu wane, wampapile munhu yaholole walonda kumgala kwa Yesu.

Maluko 5:8

Kalonga avo kwavija Yesu kamulongela, “Kinyamkela, mulawe munhu ino!”

Maluko 9:25

Yesu viyaluwone lunhu lowamemela, kamkomhokela kinyamkela ayo, “Gweye kinyamkela wa kuleka kulonga na kuhulika, nokulagiza umulawe mbwanga ino, sikuumwingile kabili!”

Luka 13:12

Yesu viyamone, kamkema, kamulongela, “Mama, kuhonyigwa utamu wako!”

Luka 4:40

Zuwa vidihongile, wanhu wose wakalile na watamu wawagala kwa Yesu, nayo keka makono gake uchanha mwa kila munhu na kuwahonya wose.

Luka 4:41

Vinyamkela wawalawa wanhu wengi na kuguta, “Gweye kwa mwana wa Imulungu!” Yesu kawakomhokela na kawagomesa kulonga, kwavija wamjuwa kamba kakala Kilisito.

Sang'hano 5:15

Mbuli ya unzonza uwakalile otenda watumigwa, wanhu wawagala watamu mvisazi na mmikeka, ili sisila da Petulo diwakwase wanhu wayagwe viyakalile kobita.