Matayo 7:7 - Biblia Kikutu

⁷ “Puleni, na mweye mogweleligwa, zahileni, na mweye movona, gong'ondeni ulwivi, na mweye movugulilwa.

Matayo 7:7 ပူးပေါင်းရင်းမြစ်များ

Mwanduso 26:32

Siku didija wasang'hanaji wa Isaka wamwizila, wamulongela mbuli ya sima diwahimbile, walonga, “Tugavika mazi.”

Zabuli 10:17

Gweye Mndewa Imulungu, kuhulika viyopula imunhu mkiwa, komgangamiza na komgwaa nguvu, kotegeleza kililo chake.

Zabuli 10:4

Munhu yehile, koitapa na hamzahila Imulungu, heyo kogelegeza, “Haduhu Imulungu.”

Zabuli 119:12

Go Mndewa Imulungu, utogolwe, unifunze malagizo gako.

Zabuli 27:8

Moyo wangu onilongela, “Izo umkweleleze Imulungu!” Avo nokwiza kumwako gweye Mndewa Imulungu.

Zabuli 34:4

Nimpula Mndewa Imulungu na heyo kanidika, na kanisegesela kudumba kwangu.

Zabuli 37:4

Zahila deng'ho jako kwa Mndewa Imulungu, na heyo kokugwaa gaja gousulukila mmoyo wako.

Zabuli 50:15

Unikeme siku ya magazo, na niye nokuhonya na gweye konitogola.”

Zabuli 69:32

Wakiwa ogona gago na kudeng'helela, mweye mumzahila Imulungu mizoyo yenu ipate nguvu.

Zabuli 70:4

Lakini wose okuzahila gweye wadeng'helele, na kusekelela kumwako. Wose ounogela ukombola wako walonge, “Imulungu yatogolwe!”

Zabuli 86:5

Gweye Mndewa gweye kunoga, na gweye kogela kumgongo, kumema unogelo hawishaga kwa iwanhu wose okukema.

Nongezi 8:17

Nowanogela waja oninogela, na waja onizahila onyona.

Matayo 18:19

“Nowalongeleni kabili, wanhu wabili kumwenu mweye wahaitogolela mwiisi kupula kinhu chochose, Tatangu yeli kuulanga kowatendela.

Matayo 21:22

Kamba mwahatogola, mobokela chochose chonda mupule.”

Matayo 6:33

Lakini tanhu uzahileni Undewa wa Imulungu na gaja goyolonda, na vino vose mogweleligwa.

Matayo 7:11

Kamba mweye mmemile nzambi mojuwa kuwagwaa wanenu vinhu vinogile, avo Tataenu yeli kuulanga kowagwaa ng'hani vinhu vinogile wanhu waja ompula.

Matayo 7:8

Kwavija munhu yoyose yompula Imulungu kogweleligwa, na munhu yoyose yozahila kopata, na munhu yoyose yogong'onda ulwivi kovugulilwa.

Maluko 11:24

Avo nowalongeleni, mwahampula Imulungu kinhu chochose, togoleni kamba mubokela, mogweleligwa chochose chonda mupule.

Luka 13:25

Mwene ng'anda kokwinuka na kuhinda ulwivi. Mweye mokwima kunze na kusonga kugong'onda ulwivi molonga, ‘Mndewa, tuvugulile!’ Nayo kowedika, ‘Sikujuwile kumulawa!’

Luka 18:1

Abaho Yesu kawafundiza wanahina zake kwa lusimo kamba siku zose olondigwa kumpula Imulungu na sikuwadonhe.

Yohana 15:16

Siyo mweye munisagule niye, lakini niye niwasagula mweye, muchole na kulela matunda, matunda gokala siku zose. Na ivo Tata kowagwaa chochose kimumpula kwa twaga jangu.

Yohana 15:7

Mwahakala mgati mmwangu na mbuli zangu zahakala mgati mmwenu, baho puleni chochose kimulonda, na mweye mogweleligwa.

Yohana 4:10

Yesu kamwidika, “Maza ujuwile choolava Imulungu, na maza ujuwile nani yokupula mazi ga kung'wa, wahampulile, nayo yahakugwelele mazi gogala ugima.”

Walumi 2:7

Wanhu wayagwe ogendelela kutenda ganogile kuno olonda ukulu kwa Imulungu na kutogoligwa na Imulungu na kuleka kufa. Wanhu awo Imulungu kowagwaa ugima wa milele.

Walumi 3:11

kuduhu munhu yeli na nzewele hebu yomzahila Imulungu.

Waebulania 11:6

Bila kutamanila, kuduhu munhu iyodaha kumnogeza Imulungu, kwavija munhu yoyose iyomcholela Imulungu kolondigwa yatogole kamba Imulungu kauko na kowagwaa nhunza wanhu waja omzahila kwa kuwamba.

Yakobo 5:15

Avo wahapula kwa kutamanila mtamu ayo kohonyigwa, na Mndewa komtenda yakone goya, na kamba katenda nzambi, zogeligwa kumgongo.

1 Yohana 3:22

Kumwake tobokela chochose kitumpula, kwavija togagoga malagizo gake na kutenda gaja gomnogeza heyo.