Matayo 7:24 - Biblia Kikutu

²⁴ “Munhu yoyose yohulika mbuli zangu na kuzigoga, ayo kaigala na munhu mbala yazengile ng'anda yake mdibwe kulu.

Matayo 7:24 ပူးပေါင်းရင်းမြစ်များ

Zabuli 111:10

Kumdumba Mndewa Imulungu acho chandusilo cha ubala, wose ogagoga malagizo gake ogweleligwa nzewele. Nhogolwa zake zosigala milele.

Zabuli 119:130

Kusimulila malagizo gako kogala mulenge, kowagwaa nzewele iwanhu mizozolo.

Zabuli 119:99

Notanga ng'hani kubanza wose wanifunzile, kwavija nozigelegeza amuli zako.

Nongezi 10:25

Vulavumbi dahabita domsegesa munhu yehile, lakini yeli na haki kokala milele.

Nongezi 10:8

Yeli na ubala mmoyo wake kobokela malagizo, lakini mbozi yeli na mbuli nyingi kobanangigwa.

Nongezi 12:7

Wanhu wehile obanangigwa na kulawanya, lakini wanhu wa mng'anda za wanhu weli na haki okala.

Nongezi 14:8

Nzewele za munhu mbala zomgwaa kutanga goya nzila yake, lakini ubozi wa wabozi owavizila mwenyego.

Matayo 12:50

Munhu yoyose yotenda gaja golondigwa na Tatangu yeli kuulanga, ayo mamangu na ndugu zangu na lumbu jangu.”

Matayo 16:18

Niye nokulongela, Petulo, gweye kwa dibwe kulu na uchanha mwa dibwe dino nozenga kanisa jangu, hata ifa haidaha bule kudihuma.

Matayo 24:45

“Nani yeli msang'hanaji yotamaniligwa na yeli na nzewele? Ayo ija mkulu wake kamwika yawalolese goya wasang'hanaji wayagwe na kowagwaa ndiya mna isaa inogile.

Matayo 25:2

Wali watano wakala wabozi na watano wakala wabala.

Matayo 25:4

Waja iwabala wasola nyhupa zimemile za mavuta hamoja na taa zao.

Matayo 25:9

Lakini waja iwabala wawedika, ‘Bule, twabule mavuta gakutwenela siye na mweye. Vinoga muchole mkagule genu.’

Matayo 7:25

Mvula itowa, vizanda vimema mazi, beho dibuma na kuitowa ng'anda ija, lakini hailagale bule, kwavija chandusilo chake kizengwa mdibwe.

Matayo 7:26

“Lakini munhu yoyose yohulika mbuli zangu na kolema kuzigoga, ayo kaigala na munhu mbozi yazengile ng'anda yake mumsanga.

Luka 11:28

Lakini Yesu kamwidika, “Wamweda ng'hani wanhu wose ohulika mbuli ya Imulungu na kuigoga!”

Yohana 13:17

Sambi muujuwa ukweli uno, momweda kamba mwahasang'hana!

Yohana 14:15

“Mwahaninogela, mogagoga malagizo gangu.

Yohana 15:10

Mwahagagoga malagizo gangu, mokala muunogelwa wangu kamba vija niye vinigagogile malagizo ga Tatangu na kukala muunogelwa wake.

Yohana 15:14

Mweye mwa mbwiga zangu mwahatenda gaja goniwalagiza.

Walumi 2:13

Kwavija siyo waja ogahulika Malagizo ga Musa, wao wanogile mgameso ga Imulungu, lakini waja otenda vigalonda Malagizo, wao onda watendigwe wanoge mgameso ga Imulungu.

1 Yohana 2:3

Twahagagoga malagizo ga Imulungu, baho todaha kulonga kamba tumjuwa.