Matayo 7:15 - Biblia Kikutu

¹⁵ “Iteganyeni na watula ndagu wa uvizi. Owezila kwa kukoneka kwa kunze kamba ng'hondolo, lakini mgati mmwao waigala na mbwizi.

Matayo 7:15 ပူးပေါင်းရင်းမြစ်များ

Matayo 10:17

Muiteganye na wanhu, kwavija owagala mna ivitala, owatowa mbalati mna izing'anda za kumpula Imulungu.

Matayo 16:11

Vino hamujuwile vilihi kamba sikalile nolonga mbuli ya magate? Muiteganye na hamila ya Mafalisayo na Masadukayo!”

Matayo 16:6

Yesu kawalongela, “Muiteganye na mkale meso na hamila ya Mafalisayo na Masadukayo.”

Matayo 24:11

na watula ndagu wengi wa uvizi olawilila na kuwavizila wanhu wengi.

Matayo 7:14

Lakini nzila ilongoza kuugima ni ndodo na sisili, wanhu kidogo awo oyona.

Luka 12:15

Abaho kagendelela kuwalongela wose, “Muiteganye na ugila! Kwavija ugima wa munhu hautamanila wingi wa vinhu viyelinavo.”

Luka 6:26

“Mogaya mweye kamba wanhu wose owagwaa nhogolwa kwavija wahenga zao vivija wawatendela vivo watula ndagu wa uvizi.”

Yohana 10:12

Munhu wa kulihigwa yeli siyo msusilaji na ng'hondolo haweli wake, yahamona mbwizi kokwiza, kowaleka ng'hondolo na kukimbila. Avo mbwizi kogoga imoja na wayagwe opwililika.

Sang'hano 13:40

Avo, muiteganye, sikugawalawilile gaja galongigwe na watula ndagu wa Imulungu.

Sang'hano 13:6

Wanga mna ikisiwa mbaka wavika Pafo, ako wamting'hana muhawi imoja Muyahudi yakemigwe Baliyesu, yaitendile mtula ndagu wa Imulungu.

Wagalatia 2:4

vivija kukala na wanhu waitendile wamtogola Yesu walonda yengile kumbi. Wanhu awo wengila kinyelegezi mna ikibumbila chetu kutusepa, ili wajuwe vitubwihila kwa kuilumba na Yesu Kilisito. Walonda tukale kamba watumwa.

Waefeso 4:14

Avo hondatuwe wana kabili, twahasigwa na kuhembelusigwa kuno na kuno na beho da wanhu ofundiza uvizi ili wawagize wanhu wayagwe kwa ubala.

Waefeso 5:6

Sikumutogole munhu yawavizile kwa mbuli za ubozi, kwavija kwa mbuli azo ng'hasiliki ya Imulungu yowezila wanhu wose oleka kumtegeleza.

Wafilipi 3:2

Iteganyeni na wanhu waja otenda ganyolodoke, wanhu awo waigalile na umbwa, wanhu waja onanahiza kwingila kumbi.

Wakolosai 2:8

Muiteganye, munhu sikuyawagele mmakono kwa kuwakonga kwa mbuli za lomo mtindi, zilawa mna izimila za wanhu wa mwiisi na loho zili mwiisi avo havilawa kwa Kilisito mwenyego.

2 Timoseo 3:13

Wanhu otenda gehile na wavizi obanza kutenda gehile ng'hani, kuwavizila wayagwe na wao wenyego oviziligwa.

2 Timoseo 4:3

Siku zokwiza aho wanhu honda wategeleze mafundizo gaukweli, lakini okweleleza gaja goyolonda wenyego na osola wafundiza wengi onda wafundize gaja gowolonda wao kuhulika.

2 Petulo 3:17

Avo, ndugu zangu, kwavija muzijuwa mwaka mbuli zino zose, mwinege sikumuzoligwe na gehile ga wanhu hawamtonga Imulungu na kuleka hanhu henu hakukalizigwa.

1 Yohana 4:1

Ndugu zangu, sikumumtogole kila munhu yolonga kana loho wa Imulungu, lakini mgezeni munhu ayo mulole kamba munhu ayo kolongozigwa na Loho wa Imulungu, kwavija watula ndagu wengi wa uvizi walawilila mwiisi.

Yuda 1:4

Kwavija wanhu hawamjuwile Imulungu wengila kwa kinyelegezi hagati yetu, wanhu awo ougalusa usenga wa ng'hekewa ya Imulungu kamba kinhu cha kutendela ugoni na ombela Yesu Kilisito, yeli Mkulu wetu yaiyeka na Mndewa. Wanhu awo nhaguso yao yandikigwa toka mwaka mna Gamaandiko Gang'alile.

Ugubulo 16:13

Abaho niwona vinyamkela wadatu waigalile na mibulwa, imoja kalawa mudilomo da dija dizoka na iyagwe mudilomo da dija ding'onyo na iyagwe mmulomo wa ija imtula ndagu wa uvizi.

Ugubulo 17:6

Nimona mtwanzi ayo kakoligwa damu ya wanhu wa Imulungu, na damu ya wanhu wakomigwe mbuli ya kugendelela kumtamanila Yesu. Vinimonile ng'hanganya ng'hani.

Ugubulo 19:20

Lakini ajo ding'onyo digogigwa hamoja na mtula ndagu wa uvizi yakalile yotenda unzonza hanhu ha ding'onyo. Kwa unzonza awo kawavizila waja wakalile na kilaguso cha ajo ding'onyo na waja waitambikile sanamu ya ding'onyo ajo. Dijo ding'onyo na mtula ndagu wa uvizi wose wabili wasigwa kuno wang'hali wagima mdilamba da moto mkulu na mabwe gokwaka.

Ugubulo 20:10

Nayo Mwenembago yakalile yowavizila wanhu kasigwa mdilamba da moto na mabwe gokwaka, mumo muwakalile dija ding'onyo na mtula ndagu wa uvizi, wao ogaya imisi na ikilo, siku zose.