Matayo 7:14 - Biblia Kikutu

¹⁴ Lakini nzila ilongoza kuugima ni ndodo na sisili, wanhu kidogo awo oyona.

Matayo 7:14 ပူးပေါင်းရင်းမြစ်များ

Zabuli 16:11

Konilagusila nzila ya ugima, kuulongozi wako kuna deng'ho, na mumkono wako wa ukudila kuna ganogile gakalaga milele.

Nongezi 8:20

Notembela mwiinzila ya gaja golondigwa na Imulungu, nokweleleza nzila ya haki.

Matayo 20:16

Yesu kamambukiza kulonga, “Avo wose weli wa ikimambukizo sambi okuwa wa ichanduso kumwande, na wose weli wa ichanduso sambi okuwa wa ikimambukizo kumwande.”

Matayo 22:14

Yesu kamambukiza kwa kulonga, “Wagonekigwe wengi, lakini wasaguligwe wadodo.”

Matayo 7:13

“Ingileni kubitila lwivi msisili, kwavija lwivi lwa kwingilila kuna ukupotela lugazi, na nzila ilongoza kuko ibuha, na wanhu wengi obitila nzila ayo.

Matayo 7:15

“Iteganyeni na watula ndagu wa uvizi. Owezila kwa kukoneka kwa kunze kamba ng'hondolo, lakini mgati mmwao waigala na mbwizi.

Maluko 8:34

Abaho Yesu kalukema lunhu lwa wanhu na wanahina zake kawalongela, “Munhu yoyose yahalonda kunikweleleza, yaileme mwenyego na kuidikwa msalaba wake yanikweleleze.

Luka 12:32

“Sikumudumbe mweye kibumbila kidodo cha wanahina zangu, kwavija Tataenu kanogelwa kuwagwaa mweye Undewa.

Yohana 16:2

Wanhu owawinga mna zing'anda za kumpula Imulungu, na kipindi chokwiza baho kila munhu yowakoma mweye kogesa komsang'hanila Imulungu.

Yohana 16:33

Niwalongela gano gose, ili kwa kubandagala mmwangu mkale moyo uholile. Mwiisi mnago madununzo, lakini fungeni umoyo! Niye niihuma isi!”

Sang'hano 14:22

Wawagangamiza wanahina wa Yesu na wawalonda wakale mna ukutamanila, wawafundiza, “Tolondigwa tubitile madununzo mengi ili twingile Muundewa wa Imulungu.”

Walumi 12:2

Sikumukweleleze vowotenda wanhu wa mwiisi ino, lakini mulekeni Imulungu yaigaluse mizoyo yenu kwa kugalusa vija vimugesa. Baho modaha kugajuwa goyolonda Imulungu, gaja ganogile na gomnogela heyo na kija kitimilike.

Walumi 9:32

Habali hawagapatile? Hawagapatile kwavija hawekile tamanilo jao kwa Imulungu lakini watamanila gaja gawakalile osang'hana. Avo waikwala, “mwiing'walo ya dibwe.”