Matayo 7:13 - Biblia Kikutu

¹³ “Ingileni kubitila lwivi msisili, kwavija lwivi lwa kwingilila kuna ukupotela lugazi, na nzila ilongoza kuko ibuha, na wanhu wengi obitila nzila ayo.

Matayo 7:13 ပူးပေါင်းရင်းမြစ်များ

Mwanduso 6:12

Imulungu kailola isi na kayona isi yose ikala ibanangike ng'hani, kwavija kila munhu kakala kokweleleza nzila zake zihile.

Mwanduso 6:5

Mndewa Imulungu viyone kubanza kwa nzambi za wanhu mwiisi, na kila kiwogesa kutenda wanhu mmizoyo yao siku zose kiha,

Nongezi 16:25

Hana nzila yokoneka kamba inoga kwa munhu, lakini uhelelo wake mwiiifa.

Nongezi 7:27

Ng'anda yake nzila ya kuchola kuzimu. Hanhu ha kuhulumukila mwiifa.

Nongezi 9:6

Mweye mizozolo lekeni kukala kamba avo ili mupate kuwa wagima, kwelelezeni nzila ya nzewele.”

Matayo 23:13

“Mogaya mweye wafundiza Malagizo ga Musa na Mafalisayo, mweye mwa watapitapi! Mohinda mulango wa Undewa wa kuulanga mgameso ga wanhu, kuno mweye wenyego hamwingila, wala hamulonda kuwatogolela waja olonda kwingila wengile!

Matayo 25:41

“Abaho kowalongela waja weli mwambu wa kumoso, ‘Segeleni kumwangu, mweye muduwiligwe! Muchole kuna umoto haufaga, uyekiligwe Mwenembago na wasenga zake!

Matayo 25:46

Wano ogaligwa mmagazo ga milele, lakini waja watendile goyolonda Imulungu ogenda muugima wa milele.”

Matayo 3:2

Kawalongela, “Lekeni nzambi zenu kwavija Undewa wa kuulanga wammabehi!”

Matayo 3:8

Musang'hane gaja gonda galaguse muzileka nzambi zenu.

Matayo 7:14

Lakini nzila ilongoza kuugima ni ndodo na sisili, wanhu kidogo awo oyona.

Luka 14:33

Yesu kamambukiza kulonga, “Vivo ili kumwenu, kuduhu munhu yodaha kuwa mwanahina wangu mbaka yaleke kila kinhu kiyali nacho.

Luka 9:33

Wanhu waja viwakalile osegela, Petulo kamulongela Yesu, “Go mkulu, vinoga siye tukale hano! Tuzenge viheha vidatu, kimoja chako, kimoja cha Musa na kimoja cha Eliya.” Petulo kakala hajuwa bule kija kiyolonga.

Yohana 10:9

Niye ayo lwivi. Munhu yoyose yobitila kumwangu kokomboligwa, kokwingila na kulawa kuzahila chakuja.

Yohana 14:6

Yesu kamwidika, “Niye ayo nzila, ukweli na ugima. Kuduhu munhu yochola kwa Tata kamba habitila kumwangu.

Sang'hano 3:19

Lelo lekeni nzambi zenu mumbwelele Imulungu, ili Imulungu yazigele kumgongo nzambi zenu.

Walumi 9:22

Vivo ili kwa kija kiyatendile Imulungu. Kalonda kulagusa ng'hasiliki yake na kutenda udahi wake ujuwike, lakini kafunga umoyo na kuwonela bazi wanhu wose walondeke kutagusigwa, wanhu walondeke kubanangigwa.

2 Wakolinto 4:4

Hawatogola kwavija Mwenembago, imulungu wa isi ino kazigela nzewele zao mdiziza, ili sikuwawone mulenge wa Mbuli Inogile ya ukulu wa Kilisito, yaigalile na Imulungu kwa kila kinhu.

2 Wakolinto 6:17

Avo Mndewa kolonga, “Segeleni kumwao na mwiinege nao. Sikumukwase kinhu kifitile, na niye nowabokela mweye.

Wagalatia 5:24

Wanhu wose wailumbile na Yesu Kilisito wauwamba unhu wao wa nzambi uli na usulukilo wihile na magesa gehile.

Wafilipi 3:19

Wanhu awo obanangika, kwavija otambikila vija viwosulukila mzing'huli zao, na oigodela mbuli zigela kinyala na ogesa mbuli za mwiisi.

1 Yohana 5:19

Tojuwa kamba siye twa wana wa Imulungu na wanhu wose wayagwe mwiisi otawaligwa na ija Imdumuka.

Ugubulo 12:9

Avo zoka dijo kulu jasigwa hasi, najo dijo zoka da umwaka, dikemigwa ija Imdumuka hebu Mwenembago, najo dijo diwavizila wanhu wose wa mwiisi. Jasigwa hasi mwiisi hamoja na wasenga zake.

Ugubulo 13:8

Wanhu wose okala mwiisi oditambikila ng'onyo ajo, ila waja waiyeka matwaga gao gandikigwe mna ikitabu cha ugima cha Mwanang'hondolo yachinjigwe isi ing'hali hainalumbigwa.

Ugubulo 20:15

Munhu yoyose twaga jake hajandikigwe mna ikitabu cha ugima, kasigwa mdilamba da moto.

Ugubulo 20:3

Msenga ayo wa kuulanga kadipigisa zoka ajo kudikolombo dilibule uhelelo, kadihindila na keka sio mmulomo wa dikolombo, ili sikudiwavizile kabili wanhu wa isi mbaka vonda imale ayo imiyaka elufu imoja. Yahamala miyaka ayo dofunguliligwa lakini kwa kipindi kidodo.