Matayo 6:9 - Biblia Kikutu

⁹ Lakini mweye puleni vino, ‘Tataetu uli kuulanga, twaga jako ditogoligwe,

Matayo 6:9 ပူးပေါင်းရင်းမြစ်များ

2 Samweli 7:26

ili twaga jako ditogoligwe milele, na wanhu walonge, ‘Mndewa Imulungu yeli na udahi wose, Imulungu wa Izilaeli,’ na ulelo wa niye msang'hanaji wako Daudi ogangamala kuulongozi wako.

Zabuli 111:9

Kawakombola wanhu zake, katenda nao lagano dikalaga milele. Twaga jake ding'ala na dodumbigwa.

Zabuli 115:3

Lakini Imulungu wetu ka kuulanga, kotenda chochose kimnogela.

Zabuli 72:18

Mndewa Imulungu, Imulungu wa Izilaeli yatogolwe, heyo yaiyeka yotenda mbuli za unzonza.

Walawi 10:3

Musa kamulongela Haluni, “Vino avo viyalongile Mndewa Imulungu, ‘Noilagusa kamba niye ning'ala kwa wanhu wose onda weze behi yangu, na notogoligwa mgameso ga wanhu wose!’” Haluni kanyamala tuluu.

Matayo 10:29

Vino nhongwa wabili hawauzigwa kwa sente imoja? Lakini kuduhu hata imoja wao yofa bila Tataenu kujuwa.

Matayo 23:9

Sikumumkeme munhu yoyose hano mwiisi, ‘Tata’, kwavija munayo Tata imoja yeli kuulanga.

Matayo 26:29

Nowalongela, kusongela sambi honda ning'we kabili divai mbaka siku ija vondaning'we divai ya sambi na mweye Muundewa wa Tatangu.”

Matayo 26:42

Kachola lwa kabili kumpula Imulungu, kalonga, “Tatangu, kamba haidahika kukisegesa kikasi kino cha madununzo mbaka niking'wile, viulonda gweye ilawilile.”

Matayo 5:16

Vivo ili kumwenu mweye, mulenge wenu uwamwemwesele wanhu wagone gaja ganogile gomtenda ili wamtogole Tataenu yeli kuulanga.

Matayo 5:48

Molondigwa mutelele kamba Tataenu yeli kuulanga viyatelele.

Matayo 6:14

“Kamba mwahazigela kumgongo nzambi ziwawatendele wanhu, vivija Tataenu yeli kuulanga kozigela kumgongo nzambi zenu.

Matayo 6:6

Lakini gweye wahampula Imulungu, ingila mdigati jako, hinda lwivi lwako, umpule Tatako hakoneka. Tatako iyolola gaja gotendigwa kinyelegezi kokugwaa nhunza.

Matayo 7:11

Kamba mweye mmemile nzambi mojuwa kuwagwaa wanenu vinhu vinogile, avo Tataenu yeli kuulanga kowagwaa ng'hani vinhu vinogile wanhu waja ompula.

Luka 15:18

Nosegela na kuchola kwa tatangu na kumulongela, Tata, nimtenda Imulungu nzambi, na vivija nikutendela gweye nzambi.

Luka 15:21

Mwanage kamulongela, ‘Tata, nimtenda Imulungu nzambi, na vivija nikutendela gweye. Sifaya kukemigwa mwanago.’

Luka 2:14

“Ukulu kwa Imulungu yeli Uchanha Ng'hani kuulanga, na tindiwalo diwe kwa wanhu wa mwiisi yawanogele!”

Yohana 20:17

Yesu kamulongela, “Sikuungoge kwavija ning'hali sinachola kwa Tata kuulanga. Lakini genda kwa ndugu zangu ukawalongele nochola kwa Tatangu vivija Tata yenu, Imulungu wangu vivija Imulungu wenu.”

Walumi 1:7

Avo nowandikila mweye mose mukala ako Lumi, mweye munogeligwe na Imulungu na kawasagula muwe wanhu zake wang'alile. Ng'hekewa na tindiwalo kulawa kwa Imulungu Tataetu na Mndewa Yesu Kilisito vikale na mweye mose.

Walumi 8:15

Kwavija Imulungu hawagwelele bule Loho wa kuwatenda muwe watumwa kabili na kuwagela bwembwe, lakini kawagwaa Loho wa kuwatenda wana. Na kwa udahi wa Loho tomkema Imulungu, “Tata!”

Wagalatia 1:1

Niye Paulo, namtumigwa, sikemigwe hebu kutumigwa na wanhu, lakini nhumigwa na Yesu Kilisito na Imulungu Tata, yamzilibule Yesu kwa wafile.

Wagalatia 4:6

Kwavija mweye mwa wanage, Imulungu kamtuma Loho wa Mwanage mmizoyo yenu, Loho ayo yokemelela, “Aba, fambulo jake Tata.”

1 Timoseo 6:16

Heyo yaiyeka yeli mgima siku zose, yakalaga kuna umulenge uleka kuvikigwa na munhu. Kuduhu munhu yamonile, kuduhu yodaha kumona. Kumwake uwe ukulu na kutegelezigwa siku zose! Ona.

1 Petulo 1:17

Kwavija mwahampula momkema Tata, yuyo yonda yamtaguse kila munhu bila kubagula kamba viyasang'hane, mukale hano mwiisi kamba wanhu baki kuno momtegeleza kwa kugwaya.

Ugubulo 4:11

“Mndewa wetu na Imulungu wetu, kofaya, kugweleligwa ukulu na kutegelezigwa na nguvu, kwavija kulumba kila kinhu, na kwa kulonda mwenyego viwa baho na vokoneka.”

Ugubulo 5:12

walonga kwa sauti ng'hulu, “Mwanang'hondolo yachinjigwe kofaya kubokela nguvu, udahi, ugoli, na nzewele, ukulu, kutegelezigwa na nhogolwa!”