Matayo 6:5 - Biblia Kikutu

⁵ “Mwahampula Imulungu, sikumuigale na watapitapi! Kwavija awo wanogelwa kwima na kumpula Imulungu mna zing'anda za ukupula na mna zinzila mhanda, ili wanhu wawalole. Nowalongeleni ukweli, awo wabokela mwaka nhunza yao yose.

Matayo 6:5 ပူးပေါင်းရင်းမြစ်များ

Zabuli 5:2

Utegeleze sauti ya kililo changu, Mndewa wangu na Imulungu wangu, gweye ayo nikupula.

Zabuli 55:17

Imitondo, imisi na ichungulo, nolila kwa magazo, na heyo koihulika sauti yangu.

Nongezi 15:8

Nhosa za wasang'hana gehile, ngevuzo kwa Mndewa Imulungu, lakini kupula kwa munhu yeli na haki ajo deng'ho da Imulungu.

Nongezi 16:5

Kila munhu yeli na moyo wa kibuli, ngevuzo kwa Mndewa Imulungu, kweli munhu kamba ayo honda yalekigwe kutagusigwa.

Matayo 21:22

Kamba mwahatogola, mobokela chochose chonda mupule.”

Matayo 23:13

“Mogaya mweye wafundiza Malagizo ga Musa na Mafalisayo, mweye mwa watapitapi! Mohinda mulango wa Undewa wa kuulanga mgameso ga wanhu, kuno mweye wenyego hamwingila, wala hamulonda kuwatogolela waja olonda kwingila wengile!

Matayo 23:5

Gose gowotenda, otenda ili wakoneke na wanhu. Kwavija ovala vikumbi vandikigwe Maandiko Gang'alile mna ivihanga vao na ofunga mna gamakono gao, na ovala viwalo vili na vinhu vitali oneke kamba wailava kwa Imulungu.

Matayo 23:6

Onogezwa kukala hanhu hanogile mna izinyimwilinyimwili na kukala mna ivigoda va haulongozi mna izing'anda za kumpula Imulungu.

Matayo 6:1

“Iteganyeni, sikumutende mbuli zinogile mgameso ga wanhu ili wanhu wawatogole. Muhatenda avo Tataenu wa kuulanga honda yawagwee nhunza yoyose.

Matayo 6:16

“Mwahafunga kuja, sikumuwe kamba watapitapi, awo ovitenda vihanga vao vigele bazi ili wakoneke kamba wafunga kuja. Nowalongeleni ukweli, awo wabokela mwaka nhunza yao yose.

Matayo 6:2

“Avo kamba komgwaa kinhu munhu mkiwa, sikuutowe mhalati kutenda wanhu wakijuwe kija kiutenda, kamba viwotenda watapitapi mna izing'anda za kupulila na mna zinzila ili wanhu wawatogole. Nowalongeleni ukweli, awo wabokela mwaka nhunza yao yose.

Matayo 9:38

Mpuleni Mndewa wa indiya, yawatume wasang'hanaji mumgunda wake.”

Maluko 11:25

Mwahampula Imulungu geleni kumgongo nzambi ziwawatendele wanhu, ili Tataenu yeli kuulanga nayo yazigele kumgongo nzambi zenu zimutendile.

Maluko 12:38

Viyakalile kofundiza, kawalongela, “Muiteganye na wafundiza Malagizo ga Musa, onogelwa kugenda kuno ovala mikanzu mitali na kulamusigwa na wanhu mna gamagulilo,

Luka 11:43

“Mogaya mweye Mafalisayo! Kwavija monogelwa kukala kuna ivigoda va haulongozi mzing'anda za kumpula Imulungu na kulamusigwa mna gamagulilo.

Luka 18:1

Abaho Yesu kawafundiza wanahina zake kwa lusimo kamba siku zose olondigwa kumpula Imulungu na sikuwadonhe.

Luka 18:13

“Lakini ija mbokela kodi kema kutali, hadahile hata kwinula meso gake kuulanga, lakini kaitowa mhambaga yake kwa usungu, kalonga, ‘Go Imulungu, nyonele bazi, niye na mwene nzambi!’

Luka 20:47

Owonela wagane kwa kusola vinhu vao, na kuitenda wanoga kwa kumpula Imulungu kwa kulonga mbuli nyingi! Awo nhaguso yao yobanza ng'hani!”

Luka 6:24

Lakini mogaya mweye muli matajili sambi, kwavija mmala kupata deng'ho jenu!

Yohana 16:24

Mbaka sambi hamnapula kinhu chochose kwa twaga jangu. Puleni mogweleligwa ili deng'ho jenu dimeme.”

Waefeso 6:18

Siku zose mpuleni Imulungu yawataze. Mpuleni Imulungu kipindi chose, kwa kulongozigwa na Loho. Kwa mbuli ino muiteganye sikumubwele kuchugu, siku zose wapulileni wanhu wose wa Imulungu.

1 Wasesalonike 5:17

siku zose mumpule Imulungu,

Yakobo 4:6

Lakini ng'hekewa iyotugwaa Imulungu ina nguvu ng'hani. Kamba Maandiko vigalonga, “Imulungu kowalema wanhu oitapa, lakini kowagwaa ng'hekewa wanhu wahole.”