Matayo 6:30 - Biblia Kikutu

³⁰ Kamba Imulungu heyo yodivaza jani da kumuhulo, lelo dabahano na mayo dokwasigwa muumoto, vino hondayawavaze ng'hani mweye? Mweye wanhu mutamanila kidogo!

Matayo 6:30 ပူးပေါင်းရင်းမြစ်များ

Zabuli 92:7

kamba iwanhu wehile odaha kuzuka kamba mijani, wose otenda gehile odaha kugendelela, lakini kimambukizo chao obanangigwa milele.

Matayo 14:31

Bahaja Yesu kagolosa mkono wake kamgoga, kamulongela, “Gweye utamanila kidogo! Habali kokona shaka?”

Matayo 16:8

Yesu kajuwa kija kiwakalile olonga, kawauza, “Mweye mutamanila kidogo, habali molongelela mbuli za kuwa bule magate?

Matayo 17:17

Yesu kawedika, “Mweye lukolo lwihile na mulibule kutamanila! Ng'hale na mweye mbaka lini? Nogela kitumbe kumgongo mbaka lini? Mgaleni hano imbwanga!”

Matayo 8:26

Yesu kawalongela, “Mweye mutamanila kidogo, habali modumba?” Avo kenuka kadikomhokela beho na ng'humbi ya mazi vinyamale na baho dinyamala kukala tuluu.

Maluko 4:40

Abaho Yesu kawalongela wanahina zake, “Habali modumba? Mung'hali mwabule kutamanila?”

Maluko 9:19

Yesu kawalongela, “Mweye wanhu muleka kutamanila! Ng'hale na mweye mbaka lini? Nogela kitumbe kumgongo mbaka lini? Ngalileni hano imbwanga.”

Luka 12:28

Kamba Imulungu heyo yodivaza jani da kumuhulo, lelo dabahano na mayo dokwasigwa muumoto, vino hondayawavaze ng'hani mweye? Mweye wanhu mutamanila kidogo!

Luka 9:41

Yesu kawalongela, “Mweye lukolo lulibule kutamanila na lwagile! Nokala na mweye mbaka lini? Nogela kitumbe kumgongo mbaka lini?” Abaho kamulongela munhu ija, “Mgale hano mwanago.”

Yohana 20:27

Abaho kamulongela Tomaso, “Ika kidole chako hano, ulole makono gangu. Abaho golosa mkono wako wike mulubavu lwangu. Sikuukone shaka, lakini utogole!”

Waebulania 3:12

Avo ndugu zangu, iteganyeni sikuyalawilile munhu yoyose kumwenu yeli na moyo wihile wa kuleka kutogola kwa kuinega na Imulungu yeli mgima.

1 Petulo 1:24

Kamba Maandiko Gang'alile vigalonga, “Wanhu wose waigala na mijani, na ukulu wao uigala na maluwa. Mijani yonyala na maluwa gohuluka,