Matayo 6:2 - Biblia Kikutu

² “Avo kamba komgwaa kinhu munhu mkiwa, sikuutowe mhalati kutenda wanhu wakijuwe kija kiutenda, kamba viwotenda watapitapi mna izing'anda za kupulila na mna zinzila ili wanhu wawatogole. Nowalongeleni ukweli, awo wabokela mwaka nhunza yao yose.

Matayo 6:2 ပူးပေါင်းရင်းမြစ်များ

Zabuli 112:9

Kowagwaa wakiwa vinhu kwa moyo unogile, haki yake yosigala milele. Heyo kokuwa na nguvu na kotegelezwa.

Zabuli 37:21

Iwanhu wehile okopa lakini hawabweza, lakini wene haki olava kwa moyo unogile.

Nongezi 19:17

Yomtaza mkiwa komkopesha Mndewa Imulungu, Imulungu komuliha kwa unogelwa wake unogile.

Nongezi 20:6

Wanhu wengi oigoda kamba wana unogelo hawishaga, lakini munhu yotamaniligwa kopatikana kwahi?

Matayo 15:7

Mweye mwa watapitapi! Kumbe mtula ndagu wa Imulungu Isaya kalagula goya mbuli ya mweye!

Matayo 16:3

Na imitondo molonga, ‘Lelo mvula kotowa, kwavija ulanga mdung'hu na mawingu totolo.’ Modaha kujuwa ulanga viuli, lakini hamujuwa vilaguso va kipindi acho.

Matayo 22:18

Lakini Yesu kagajuwa magesa gao gehile, kawalongela, “Mweye mwa watapitapi, habali monigeza?

Matayo 23:5

Gose gowotenda, otenda ili wakoneke na wanhu. Kwavija ovala vikumbi vandikigwe Maandiko Gang'alile mna ivihanga vao na ofunga mna gamakono gao, na ovala viwalo vili na vinhu vitali oneke kamba wailava kwa Imulungu.

Matayo 23:6

Onogezwa kukala hanhu hanogile mna izinyimwilinyimwili na kukala mna ivigoda va haulongozi mna izing'anda za kumpula Imulungu.

Matayo 24:51

Mkulu ayo komtowa ng'hani na kumwika hamoja na watapitapi. Baho kolila na kudafuna meno.”

Matayo 5:18

Nowalongela ukweli, mbaka ulanga na isi vosegela, haduhu hata mbuli ndodo ng'hani yonda isegesigwe mna Gamalagizo mbaka gose galongigwe gavikizwe.

Matayo 6:16

“Mwahafunga kuja, sikumuwe kamba watapitapi, awo ovitenda vihanga vao vigele bazi ili wakoneke kamba wafunga kuja. Nowalongeleni ukweli, awo wabokela mwaka nhunza yao yose.

Matayo 6:3

Lakini gweye wahamgwaa kinhu munhu mkiwa, mkono wako wa kumoso sikuujuwe kija kitendigwa na mkono wako wa kudila.

Matayo 6:5

“Mwahampula Imulungu, sikumuigale na watapitapi! Kwavija awo wanogelwa kwima na kumpula Imulungu mna zing'anda za ukupula na mna zinzila mhanda, ili wanhu wawalole. Nowalongeleni ukweli, awo wabokela mwaka nhunza yao yose.

Matayo 7:5

Gweye kwa mtapitapi! Tanhu lava biki dili mdisiso jako, abaho kodaha kulola goya na kulava kibanzi kili mdisiso da ndugu yako.

Maluko 12:39

osagula vigoda va haulongozi mzing'anda za kumpula Imulungu na kukala hanhu hanogile mna izinyimwilinyimwili.

Maluko 7:6

Yesu kawedika, “Mweye mwa watapitapi! Kumbe mtula ndagu wa Imulungu Isaya kalagula goya mbuli zenu viyandike, ‘Imulungu kolonga, wanhu wano, onitegeleza kwa milomo yao, lakini mizoyo yao ya kutali ng'hani na niye.

Luka 11:41

Lakini laveni vili mgati na muwagwee wakiwa na kila kinhu chonoga kumwenu.

Luka 11:43

“Mogaya mweye Mafalisayo! Kwavija monogelwa kukala kuna ivigoda va haulongozi mzing'anda za kumpula Imulungu na kulamusigwa mna gamagulilo.

Luka 12:33

Chuuzeni vose vimulinavo na muwagwelele wakiwa zisente. Muitendele mikoba hailala, na muikile ngama yenu kuulanga. Ako hondaihunguke, kwavija kuduhu wabavi odaha kuhavika na kuduhu ng'hobo odaha kuibananga.

Luka 12:56

Mweye mwa watapitapi! Modaha kulola isi na ulanga na kulagula kamba mvula kotowa hebu hatowa, habali hamujuwile fambulo da kipindi kino?

Luka 13:15

Mndewa kamwidika, “Mweye mwa watapitapi! Vino, nani kumwenu yoleka kumfungula ng'ombe wake hebu kihongwe wake kulawa mdizizi na kumulongoza yachole kung'wa mazi mwiisiku ya Kubwihila?

Luka 20:46

“Muiteganye na wafundiza Malagizo ga Musa. Wao onogelwa kwanga kuno wavala mikanzu mitali, na kulamusigwa na wanhu mna gamagulilo na kukala mna ivigoda va haulongozi mzing'anda za kumpula Imulungu na mna izinyimwilinyimwili.

Luka 6:24

Lakini mogaya mweye muli matajili sambi, kwavija mmala kupata deng'ho jenu!

Luka 6:42

Hebu kodahaze kumulongela ndugu yako, ‘Chonde, leka nikulave kibanzi kili mdisiso jako,’ kuno gweye ung'hali hunajona biki dili mdisiso jako mwenyego? Gweye kwa mtapitapi! Tanhu lava biki dili mdisiso jako, abaho kodaha kulola goya na kulava kibanzi kili mdisiso da ndugu yako.

Yohana 13:29

Kwavija Yuda kakala yopapa mkoba wa zisente, wanahina wayagwe wagesa Yesu kamulongela yachole kugula kija kilondeke mwiinyimwilinyimwili ya Pasaka, hebu yawagwee kinhu wakiwa.

Yohana 5:41

“Sizahila nhogolwa kulawa kwa wanhu.

Yohana 5:44

Munogelwa kubokela nhogolwa kulawa mweye kwa mweye, lakini hamulonda kupata nhogolwa kulawa kwa heyo yeli Imulungu yaiyeka, vino modahaze kunhogola niye?

Yohana 7:18

Munhu ija yolonga mbuli zake kozahila nhogolwa yake mwenyego. Lakini heyo yozahila nhogolwa kumwake ija yamtumile munhu ayo mkweli, mduhu uvizi mmulomo mmwake.

Sang'hano 10:2

Kakala munhu yomdumba Imulungu, heyo na wanhu wose wa mulubuga lwake wamgwaa ukulu Imulungu. Vivija kasang'hana ng'hani kuwataza wanhu wakiwa na kakala yompula Imulungu siku zose.

Sang'hano 10:31

kalonga, ‘Kolinelio! Imulungu kahulika viumpulile na kazitogola sang'hano zako za kuwataza wanhu wakiwa.

Sang'hano 10:4

Kolinelio kamulola bunhuu msenga ayo wa kuulanga kwa bwembwe kamulongela, “Go mkulu, kuna choni?” Msenga wa kuulanga kamwidika, “Imulungu kanogelwa kumpula kwako na sang'hano ya kuwataza wakiwa, nayo hakusemwa bule.

Sang'hano 11:29

Wanahina wa Yesu waitogolela kila munhu yagale chochose kiyakalile nacho, kuwataza wayao wamtogole Yesu wakalile Yudea.

Sang'hano 24:17

“Viibitile miyaka mingi mbwela Yelusalemu ili kuwagwaa sente wayangu na kumulavila Imulungu nhosa.

Sang'hano 9:36

Ako Yopa kukala na mtwanzi yakemigwe Tabita yakalile mwanahina wa Yesu, Twaga jake kwa Kigiliki Dolikasi, fambulo jake, “Mhala,” Mtwanzi ayo kakala yotenda ganogile na kuwataza wakiwa.

Walumi 12:8

Munhu yagweleligwe nhunza ya kuwagangamiza wayagwe yatende vivo. Munhu yomgolela miyage kinhu, yatende vivo kwa moyo unogile. Munhu yowalongoza wanhu, yawalongoze goya. Munhu yowonela bazi wanhu, yatende vivo kwa kusamhuka.

1 Wakolinto 13:3

Nodaha kulava vinhu vangu vose kuwagwaa wakiwa, hata kuulava lukuli lwangu lulukuzigwe, lakini nahaswela unogelwa hainifaya chochose.

Wagalatia 2:10

Lakini watupula kino kiiyeka, tuwagese wakiwa weli mkibumbila chao, na niye ng'hala niwamba kuisang'hana mbuli ayo.

Waefeso 4:28

Wanhu wose wakalile okwiba waleke na wasonge kusang'hana kwa makono gao, ili wakale kwa kutamaniligwa na wadahe kuwataza wakiwa.

1 Wasesalonike 2:6

Hatulondile nhogolwa kulawa kwa munhu yoyose, hebu kulawa kumwenu hebu kulawa kwa wanhu wayagwe.

1 Timoseo 6:18

Walagize watende ganogile, wawe wagoli kwa kutenda ganogile, wawe na moyo unogile na watogole kuwagwaa wayagwe vinhu vao.

Filimoni 1:7

Ndugu yangu, unogelwa wako ungalila ndeng'helelo ng'hulu na kunigela moyo, vivija kuwagela moyo wanhu wa Imulungu.

Waebulania 13:16

Sikumuisemwe kutenda ganogile na kuitaza, kwavija zino azo nhosa zimnogeza Imulungu.

1 Petulo 4:11

Munhu yoyose yowapetela wanhu yawapetele mbuli za Imulungu. Munhu yoyose yosang'hanila yasang'hane kwa nguvu zose ziyagweleligwe na Imulungu, ili mna izimbuli zose Imulungu yatogoligwe kubitila Yesu Kilisito. Kumwake uwe ukulu na udahi siku zose. Ona.

1 Samweli 15:30

Sauli kalonga, “Nhenda mbuli zihile lakini nokupula unitegeleze kuulongozi wa iwavele na kuulongozi wa Waizilaeli na ubwele na niye ili nimtambikile Mndewa Imulungu, Imulungu wako.”