Matayo 5:8 - Biblia Kikutu

⁸ Wamweda wanhu waja wailavile kwa Imulungu kwa mizoyo yao yose, kwavija omona Imulungu!

Matayo 5:8 ပူးပေါင်းရင်းမြစ်များ

Mwanduso 32:30

Yakobo kalonga, “Nimona Imulungu meso kwa meso, na ning'hali mgima.” Avo kahakema hanhu aho Penueli.

2 Samweli 22:27

Gweye kung'ala kwa waja wang'alile, lakini kwa wanhu otenda gehile omona heyo kamba msede.

Zabuli 15:2

Imunhu yokala bila vitala na yotenda ganogile, na kolonga ukweli mmoyo wake,

Zabuli 18:26

Gweye kung'ala kwa waja wang'alile, lakini kwa wanhu otenda gehile kolagusa usede.

Zabuli 24:4

Imunhu yeli na makono mazelu na moyo mzelu, imunhu havizaga, na imunhu haiduwila kwa uvizi.

Zabuli 51:10

Gweye Imulungu unilumbile moyo ung'alile, uilumbe kabili loho itindiwale mgati mmwangu.

Zabuli 51:6

Gweye konogezwa na kweli ilawa mmoyo, mgati mmoyo wangu konifunza ubala.

Zabuli 73:1

Kweli Imulungu kanoga kwa iwanhu wa Izilaeli, kwa iwanhu waja mizoyo yao inoga.

Nongezi 22:11

Yonogela moyo unogile na mbuli zake zogala ganogile, kokuwa mbwiga wa mndewa.

Sang'hano 15:9

Imulungu hatubagule bule siye na wao, kaisunha mizoyo yao kwavija wamtogola Yesu.

1 Wakolinto 13:12

Kitona sambi kamba lumvuye mvuye mna ikiyoo, lakini aho kumwande tokona meso kwa meso. Sambi nojuwa hadodo, aho kumwande nojuwa goya, kamba vija Imulungu viyanjuwile niye.

2 Wakolinto 7:1

Mbwiga zangu niwanogela, gaja gose gayalongile Imulungu ni mbuli ya siye. Avo tusunhe dikwe da ng'huli zetu hebu mizoyo yetu, tung'ale ng'hani na tumtegeleze Imulungu.

Tito 1:15

Kila kinhu king'ala kwa wanhu weli na mizoyo ing'alile, lakini kuduhu chochose king'alile kwa waja wafitile na olema kutogola, kwavija nzewele zao na mizoyo yao ifita.

Waebulania 10:22

Avo tumkwesele behi Imulungu kwa moyo unogile na kugangamala mna ditamanilo na mizoyo isunhigwe kulawa mna gamagesa gehile na ng'huli zisunhigwe kwa mazi mazelu.

Waebulania 12:14

Wambeni ng'hani kukala goya na wanhu wose na mukale mung'alile, kwavija kuduhu munhu yonda yamone Mndewa kamba hang'alile bule.

Waebulania 9:14

Lakini, Kilisito kailava mwenyego kwa Imulungu kamba nhosa inogile kwa nguvu ya Loho wa Imulungu yokala siku zose. Avo, damu yake yosunha mizoyo yetu vinogile ng'hani na kututenda tumsang'hanile Imulungu yeli mgima.

Yakobo 3:17

Lakini nzewele ilawa kuulanga tanhu isunhigwa, na vivija ina tindiwalo na unogelwa na uhole, yowagelegeza wayagwe na imema bazi na yotenda ganogile, haibagula wanhu na yabule utapitapi.

Yakobo 4:8

Mkweseleni behi Imulungu nayo kowakwesela behi. Sunheni makono genu mweye wene nzambi. Sunheni mizoyo yenu, mweye watapitapi!

1 Petulo 1:22

Na sambi mweye kwa kuugoga ukweli musunhigwa, na muwanogela kwa ukweli ndugu zenu, avo muinogele kwa mizoyo yenu yose.

Ugubulo 22:4

Ochona kihanga chake, na twaga jake dokuwa mvihanga vao.