Matayo 5:6 - Biblia Kikutu

⁶ Wamweda wanhu waja weli na nzala na ng'hilu ya kutenda gaja goyolonda Imulungu, kwavija Imulungu kowatenda wegute!

Matayo 5:6 ပူးပေါင်းရင်းမြစ်များ

Zabuli 107:9

Heyo kodigwaa mazi zoyo dikona ng'hilu, na loho ikona nzala koigwaa ganogile.

Zabuli 145:19

Kowagwaa gaja gowolonda awo omdumba, heyo kohulika kililo chao na kowakombola.

Zabuli 17:15

Lakini niye nokilola kihanga chako mna ihaki, nahalamuka nokwiguta kihanga chako.

Zabuli 63:5

Moyo wangu odeng'helela kamba kuja ndiya inogile ng'hani, kwa deng'ho nokwimbila nhogolwa.

Zabuli 65:4

Kamweda imunhu yumsagule na kumgala behi na gweye, ili yakale kuuluwa lwako. Siye toshiba ganogile ga ng'anda yako, ganogile geli mng'anda yako ing'ala.

Zabuli 84:2

Moyo wangu osulukila ng'hani ng'anda ya Mndewa Imulungu, moyo wangu na lukuli lwangu vomwimbila Imulungu yeli mgima.

Nongezi 10:24

Choodumba munhu yotenda gehile acho chonda kimulawilile, lakini choosulukila munhu yeli na haki acho chonda yagweleligwe.

Nongezi 21:21

Yozahila haki na kuwa na bazi, kokala siku nyingi na komweda na kugweleligwa ukulu.

Luka 1:53

Weli na nzala kawatenda wegute kwa vinhu vinogile na kawawinga matajili makono gaiyeka.

Luka 6:21

Mmweda mweye muli na nzala sambi, kwavija mokwiguta! Mmweda mweye mulila sambi, kwavija modeng'helela!”

Luka 6:25

Mogaya mweye mwigute sambi, kwavija mokona nzala! Mogaya mweye museka sambi, kwavija moiyalala na kulila!”

Yohana 4:14

lakini munhu yoyose yong'wa mazi gonda nimgwelele, honda yone ng'hilu kabili. Mazi gonda nimgwelele niye gokuwa nzasa ya mazi gogala ugima wa milele mgati mmwake.”

Yohana 6:27

Sikumuisang'hanile ndiya inangika, lakini muisang'hanile ndiya igala ugima wa milele. Ino ayo ndiya yonda yawagwee Mwana wa Munhu, kwavija Imulungu Tata kamsagula.”

Yohana 7:37

Mna isiku ya uhelelo na siku ng'hulu ya inyimwilinyimwili, Yesu kema kakemelela, “Munhu yoyose yokona ng'hilu yeze kumwangu yang'we.

Ugubulo 7:16

Honda wone nzala hebu ng'hilu hebu zuwa hebu vuke kali honda diwasome kabili,