Matayo 5:3 - Biblia Kikutu

³ “Wamweda wanhu waja omtamanila Imulungu yaiyeka, kwavija Undewa wa kuulanga uli wao!

Matayo 5:3 ပူးပေါင်းရင်းမြစ်များ

Zabuli 1:1

Kamweda imunhu hacholaga mvitala va iwanhu otenda gehile, na hakwima bule mnzila ya iwanhu otenda nzambi, na hakala bule mvigoda va iwanhu wagewezi,

Zabuli 112:1

Mtogoleni Mndewa Imulungu! Kamweda imunhu yomdumba Mndewa Imulungu, imunhu yodeng'helela ng'hani kugoga malagizo gake.

Zabuli 128:1

Wamweda iwanhu wose omdumba Mndewa Imulungu, waja okala kwa kukweleleza malagizo gake.

Zabuli 146:5

Kamweda munhu ija yotazigwa na Imulungu wa Yakobo, tamanilo jake da kwa Mndewa Imulungu, Imulungu wake,

Zabuli 2:12

Mtambikileni imwana, buleavo kogevuzika na kuwabananga, kwavija ng'hasiliki yake yodaha kwaka himahima. Wamweda wose omkimbilila.

Zabuli 34:18

Mndewa Imulungu kabehi na iwanhu wali na lusikisiki, kowakombola wose wahondigwe mmizoyo.

Zabuli 41:1

Kamweda imunhu yomkumbuka mkiwa, Mndewa Imulungu komuhonya siku da magazo gake.

Zabuli 51:17

Ila nhosa zilondigwa na Imulungu ayo loho ihondeke, na moyo uhondeke na ulongaga ng'hosa, gweye Imulungu huubezeli bule.

Zabuli 84:12

Gweye Mndewa Imulungu uli na nguvu zose, kamweda imunhu yokutamanila gweye.

Nongezi 16:19

Vinoga kuwa muhole hamoja na wakiwa, kubanza kuigolela vinhu va ubokaji hamoja na weli na kibuli.

Nongezi 29:23

Kibuli cha munhu chomtenda yabezigwe, lakini yeli muhole kotegelezigwa.

Nongezi 8:32

Avo, wanangu, nitegelezeni, kwavija wamweda hewo okweleleza nzila zangu.

Matayo 11:25

Mna ikipindi acho Yesu kalonga, “Tata, Mndewa wa kuulanga na mwiisi, nokutogola kwavija kuwafisa mbuli zino wanhu weli na nzewele na ubala, na kuwagubulila wana wadodo.

Matayo 11:6

Wamweda waja wose weliduhu shaka na niye!”

Matayo 13:16

Yesu kalonga kabili, “Lakini mweye mumweda! Kwavija meso genu golola na magwiti genu gohulika.

Matayo 19:14

Yesu kalonga, “Walekeni wana wadodo weze kumwangu sikumuwagomese, kwavija Undewa wa kuulanga wa wanhu kamba wana wano.”

Matayo 24:46

Kamweda msang'hanaji ija kamba mkulu wake yahabwela komvika kosang'hana vivo!

Matayo 25:34

Abaho Mndewa kowalongela waja wakalile mwambu wa mkono wake wa kudila, ‘Izoni mweye munogeligwe na Tatangu! Bokeleni uhazi wenu, undewa umutandiligwe tangu kulumbigwa kwa isi.

Matayo 3:2

Kawalongela, “Lekeni nzambi zenu kwavija Undewa wa kuulanga wammabehi!”

Matayo 8:11

Nowalongeleni ukweli, wanhu wengi okwiza kulawa mwambu wa kudilawila zuwa na mwambu wa kudihongela, okala hamoja na Abulahamu na Isaka na Yakobo kuna indiya ako Kuundewa wa kuulanga.

Maluko 10:14

Yesu viyonile avo, kagevuzika, kawalongela, “Walekeni wana wadodo weze kumwangu sikumuwagomese kwavija Undewa wa Imulungu ni wa wanhu kamba wana wano.

Luka 11:28

Lakini Yesu kamwidika, “Wamweda ng'hani wanhu wose ohulika mbuli ya Imulungu na kuigoga!”

Luka 18:14

Nowalongela, mbokela kodi ija kachola ukae kumwake kuno katendigwa kanoga mgameso ga Imulungu kubanza ija Mfalisayo. Kwavija wose oitenda wanhu wakulu ohumulusigwa, na waja oihumulusa otendigwa wanhu wakulu.”

Luka 22:29

kamba Tatangu viyanigwelele Undewa na niye nowagwaa Undewa awo.

Luka 22:30

Moja na kung'wa mmeza yangu mna Undewa wangu, na mokala mna ivigoda va Undewa kugatawala makabila longo na mabili ga Izilaeli.”

Luka 4:18

“Loho wa Mndewa Imulungu kamgati mmwangu, kwavija kanisagula niwagalile wanhu wakiwa Mbuli Inogile. Kanituma niwapetele wagodekigwe kamba olekesigwa, na waja wasuwameso walole, na kuwakombola waja wadununzigwe,

Yohana 20:29

Yesu kamulongela, “Vino gweye kotogola kwavija kunyona? Wamweda waja wose otogola bila kunyona!”

Kumbukumbu 8:2

Kumbukeni Mndewa Imulungu, Imulungu wenu viyawalongoze mmwanza mtali kubitila kuluwala kwa miyaka malongo mane, ili yawasegesele kuitapa na kawageza yagajuwe gaja geli mmizoyo yenu, kamba mogoga hebu hamugoga malagizo gake.

Yakobo 1:10

na munhu mgoli yadeng'helele yahatendigwa munhu mdodo, kwavija munhu mgoli kolawanya kamba luwa.

Yakobo 1:12

Kamweda munhu ija yofunga umoyo kipindi yahagezigwa, kwavija yahagangamala kobokela fungu da ugima uyalongile Imulungu kowagwaa wanhu omnogela.

Yakobo 2:5

Ndugu zangu niwanogela, tegelezeni! Imulungu kawasagula wanhu okoneka wakiwa mwiisi ili wawe wagoli mditamanilo na wengile muundewa uja uyawalongele kowagwaa wanhu omnogela.

Ugubulo 19:9

Abaho ayo imsenga wa kuulanga kanongela, “Yandika vino, ‘Wamweda wanhu wose wagonekigwe kuna inyimwilinyimwili ya zengele da Mwanang'hondolo!’ ” Vivija kalonga, “Mbuli zino za ukweli za Imulungu.”

Ugubulo 22:14

“Wamweda wanhu ofuwa viwalo vao, wadahe kuja tunda da biki da ugima na wengile mna imilango ya buga dijo.

Ugubulo 3:17

Gweye kolonga, ‘Niye na mgoli, ninacho kila kinhu kinonda, siswelile chochose.’ Lakini hujuwile bule viwili kwabule kinhu chochose! Gweye kunyolila na kolondigwa oneligwe bazi na kwa mkiwa kwa mwazi na kwa msuwameso.