Matayo 5:12 - Biblia Kikutu

¹² Sekeleleni na kudeng'helela, kwavija mwikiligwa nhunza ng'hulu kuulanga. Kwavija vino vivo wadununzwe watula ndagu wa Imulungu wakalile umwaka, mweye hamunavumbuka.”

Matayo 5:12 ပူးပေါင်းရင်းမြစ်များ

Mwanduso 15:1

Vizibitile mbuli azo, Mndewa Imulungu kamulongela Abulamu mzinzozi, “Abulamu, sikuudumbe! Niye ayo ngao yako. Niye na hamoja na gweye, na kinhu acho kinoga ng'hani kumwako.”

Zabuli 19:11

Msang'hanaji wako kozumwa kwa gago, munhu yahagagoga kopata nhunza ng'hulu.

Zabuli 58:11

Avo iwanhu olonga, “Wene haki wana nhunza, kweli kauko Imulungu yoitagusa isi.”

Nongezi 11:18

Munhu yehile fungu jake doyopata da uvizi, lakini yosang'hana ganogile kopata faida ya kweli.

Matayo 16:27

Kwavija Mwana wa Munhu kokwiza muukulu wa Tatake hamoja na wasenga wa kuulanga, abaho komgwaa kila munhu nhunza yake iigalile na sang'hano yake.

Matayo 6:16

“Mwahafunga kuja, sikumuwe kamba watapitapi, awo ovitenda vihanga vao vigele bazi ili wakoneke kamba wafunga kuja. Nowalongeleni ukweli, awo wabokela mwaka nhunza yao yose.

Luka 13:34

“Gweye Yelusalemu! Gweye Yelusalemu! Kowakoma watula ndagu wa Imulungu na kuwatowa kwa mabwe waja Imulungu yawatumile kumwako! Miyanza mingapi nilonda kuwahagata wanago kwa makono gangu, kamba vija nguku viyovihagata vinziya vake mna gamabawa gake, lakini hulondile bule!

Luka 6:23

Deng'heleleni na kucheza vonda galawilile, kwavija mwikiligwa nhunza ng'hulu kuulanga. Kwavija vivo wahenga zao viwawatendele watula ndagu wa Imulungu.

Luka 6:35

Lakini mweye wanogeleni waja omwihileni na muwatendele ganogile, muwakopeshe wanhu bila kutamanila kubwezeligwa. Abaho nhunza yenu yokuwa ng'hulu, na mweye mokuwa wana wa Imulungu yeli Uchanha Ng'hani. Kwavija heyo kanoga kwa waja welibule nhogolwa kumwake na wanhu otenda nzambi.

Sang'hano 16:25

Kilo kikulu Paulo na Sila wampula Imulungu na kumwimbila nyila za kumtogola, wafungwa wayao wakala owategeleza.

Sang'hano 5:41

Watumigwa viwasegele mkitala, wakala na deng'ho kwavija Imulungu katogola wageligwe kinyala mbuli ya twaga da Yesu.

Walumi 5:3

Siyo gago gaiyeka, lakini vivija toigodela gamagayo getu, kwavija tojuwa kuwa magayo gogala kufunga umoyo,

1 Wakolinto 3:8

Munhu yahandile na munhu yaigelele mazi wose wa kinhu kimoja, Imulungu komgweka kila imoja kwa sang'hano yake yaitendile.

2 Wakolinto 4:17

Magazo gotupata gabuha na gokala kwa kipindi kidodo, lakini gotugalila ukulu wa milele kubanza gago gamagazo.

Wafilipi 1:29

Kwavija mweye mugweleligwa kwa mbuli ya kumsang'hanila Kilisito, siyo kumtamanila kwiiyeka lakini vivija kugaya mbuli yake.

Wafilipi 2:17

Hata kamba ugima wangu ogidigwa uwe nhambiko mna isang'hano yenu ya kutamaniligwa ili nhosa kwa Imulungu, yahawa avo, nodeng'helela ng'hani na mweye modeng'helela na niye.

Wakolosai 1:24

Sambi nodeng'helela vinigaya mbuli ya mweye kwavija kwa kugaya kwangu mulukuli, nogamambukiza gaja gasigale mna ukugaya kwa Kilisito mbuli ya lukuli lwake, lukuli wao wanhu wose wamtogole Yesu.

Wakolosai 3:24

Kumbukeni kuwa Mndewa kowagwaa mweye nhunza ija yawekile wanhu zake. Kwavija Kilisito ayo Mkulu imumsang'hanila.

1 Wasesalonike 2:15

wamkomile Mndewa Yesu na watula ndagu wa Imulungu na kutudununza na siye vivija. Wanhu awo omgevuza Imulungu na hawailumba na munhu yoyose!

Waebulania 10:34

Muwonela bazi wanhu wakalile mkifungo, na mutogola kwa kudeng'helela vimukalile mobokigwa vinhu venu, kwavija mukala mujuwile kuwa mna kinhu kinogile ng'hani, chonda kikale kipindi chose.

Waebulania 11:26

Kakala yajuwile kamba kugaya mbuli ya Kilisito Mkombola kofaya ng'hani kubanza ngama yose ya mwiisi ya Misili, kwavija kakala kobeta nhunza ya kumwande.

Waebulania 11:33

Kwa kutamanila wazitowa isi ziyagwe na kuzihuma. Watawala kwa nzila iwatendile wanhu wakweleleze malagizo na wakibokela kija kiyalongile Imulungu. Wazifunga saya za simba,

Waebulania 11:6

Bila kutamanila, kuduhu munhu iyodaha kumnogeza Imulungu, kwavija munhu yoyose iyomcholela Imulungu kolondigwa yatogole kamba Imulungu kauko na kowagwaa nhunza wanhu waja omzahila kwa kuwamba.

Yakobo 1:2

Ndugu zangu deng'heleleni, mwahagezigwa miyanza mingi,

Yakobo 5:10

Ndugu zangu, kwa mbuli ya kufunga umoyo mna gamagayo, waloleni watula ndagu wa Imulungu walongile usenga ulawile kwa Mndewa.

1 Petulo 4:13

Lakini deng'heleleni kwavija moilumba mna gamagayo ga Kilisito, ili mudeng'helele ng'hani kipindi vonda yabwele muukulu wake.

Lusi 2:12

Mndewa Imulungu yakutendele ganogile kwa gose gautendile. Mndewa Imulungu, Imulungu wa Izilaeli yumkimbilile kamba kinziya yomkimbilila mamake, yakulihe ng'hani.”