Matayo 3:2 - Biblia Kikutu

² Kawalongela, “Lekeni nzambi zenu kwavija Undewa wa kuulanga wammabehi!”

Matayo 3:2 ပူးပေါင်းရင်းမြစ်များ

Matayo 10:7

Mwahachola, wapeteleni usenga uno, ‘Undewa wa kuulanga wammabehi!’

Matayo 11:20

Yesu kasonga kuwakomhokela wanhu wa mabuga gayatendile unzonza mwingi, kwavija wanhu awo hawazilekile bule nzambi zao.

Matayo 12:41

Mna isiku ya nhaguso wanhu wa Ninawi okwima na kuwatagusa mweye, kwavija awo waleka nzambi Yona viyawapetele. Lakini nowalongela hano hana munhu mkulu kubanza Yona.

Matayo 13:11

Yesu kawedika, “Mweye mumweda kuzijuwa mbuli zifisigwe za Undewa wa kuulanga, lakini kumwao awo haili vivo.

Matayo 13:24

Yesu kawalongela lusimo luyagwe, “Undewa wa kuulanga uigala na gaja galawilile kwa munhu yahandile mbeyu inogile mumgunda wake.

Matayo 13:31

Yesu kawalongela lusimo luyagwe, “Undewa wa kuulanga uigala na kija kilawilile kwa munhu yahandile mbeyu ndodo mumgunda wake.

Matayo 13:33

Yesu kawalongela lusimo luyagwe, “Undewa wa kuulanga uigala na kija kilawilile kwa mtwanzi yasolile sasu na kuitibwiliza hamoja na madebe mabili ga usage mbaka usage wose usasa.”

Matayo 13:47

“Vivija Undewa wa kuulanga uigala na wavula somba wategile lwavu lwao mdilamba na kunamata somba odigwa na howodigwa.

Matayo 13:52

Avo kawalongela, “Mfundiza yoyose wa Malagizo ga Musa yahawa mwanahina wa Undewa wa kuulanga koigala na munhu mwene ng'anda, yolava vinhu va sambi na va umwaka kulawa mna digati jake da kwikila vinhu.”

Matayo 18:23

kwavija Undewa wa Imulungu uigala na Mndewa yalondile kupeta sente zake na wasang'hanaji zake.

Matayo 20:1

“Undewa wa kuulanga uigala na kija kilawilile kwa munhu yeli na mgunda wa mizabibu, kalawa imitootondo ng'hani, kachola kugoneka wanhu wakasang'hane mumgunda wake.

Matayo 22:2

“Undewa wa kuulanga uigala na kija kilawilile kwa mndewa yamtandile mwanage wa kimbigalo zengele.

Matayo 23:13

“Mogaya mweye wafundiza Malagizo ga Musa na Mafalisayo, mweye mwa watapitapi! Mohinda mulango wa Undewa wa kuulanga mgameso ga wanhu, kuno mweye wenyego hamwingila, wala hamulonda kuwatogolela waja olonda kwingila wengile!

Matayo 25:1

“Undewa wa kuulanga oigala na kija kilawilile kwa wali longo wasolile taa zao na kuchola kumbokela munhu yosola.

Matayo 25:14

“Vivija Undewa wa kuulanga uigala na kija kilawilile kwa munhu imoja yafungile mwanza, kawakema wasang'hanaji zake kaweka walole goya vinhu vake.

Matayo 4:17

Kulawa kipindi acho Yesu kasonga kuwapetela usenga wake, “Lekeni nzambi zenu, kwavija Undewa wa kuulanga wammabehi.”

Matayo 4:23

Yesu kachola mwiisi yose ya Galilaya, kafundiza mzing'anda za kumpula Imulungu na kawapetela wanhu Mbuli Inogile ya Undewa wa Imulungu na baho kawahonya wanhu wakalile na mitamu na magayo gose.

Matayo 5:10

Wamweda wanhu waja odununzika mbuli ya kutenda gaja goyolonda Imulungu, kwavija Undewa wa kuulanga uli wao!”

Matayo 5:3

“Wamweda wanhu waja omtamanila Imulungu yaiyeka, kwavija Undewa wa kuulanga uli wao!

Matayo 6:10

undewa wako wize, goulonda mwiisi gatendigwe, kamba viili kuulanga.

Matayo 6:33

Lakini tanhu uzahileni Undewa wa Imulungu na gaja goyolonda, na vino vose mogweleligwa.

Maluko 1:15

Kalonga, “Kipindi kivika, Undewa wa Imulungu wammabehi! Lekeni nzambi na muitogole Mbuli Inogile!”

Maluko 1:4

Yohana Mbatizaji kalawilila kuluwala kawapetela wanhu, “Lekeni nzambi na mbatizigwe na Imulungu kozigela kumgongo nzambi zenu.”

Maluko 6:12

Avo wasegela na kuwapetela wanhu waleke nzambi zao.

Luka 1:16

Kowatenda wanhu wengi wa Izilaeli wailumbe na Mndewa Imulungu wao.

Luka 11:20

Lakini kamba nowalava vinyamkela kwa udahi wa Imulungu, avo mujuwe kamba Undewa wa Imulungu uvika mwaka kumwenu.

Luka 13:3

Bule! Nowalongela kweli, na mweye vivija mwahalema kuleka nzambi zenu, mose mofa kamba awo.

Luka 13:5

Bule! Nowalongela, mwahalema kuleka nzambi, mose mofa kamba awo.”

Luka 15:10

Vivija nowalongela, wasenga wa Imulungu odeng'helela mbuli ya munhu imoja mwene nzambi yahaleka nzambi zake.”

Luka 15:7

Nowalongela, avo vonda iwe, hokuwa na ndeng'helelo ng'hulu kuulanga mbuli ya munhu imoja mwene nzambi yahaleka nzambi zake, kubanza waja malongo tisa na tisa ogesa wanoga na hawalonda kuzileka nzambi zao.”

Luka 16:30

Tajili ija kamwidika, ‘Bule tata Abulahamu! Lakini kamba munhu yahazilibuka kulawa kwa wafile na kuwacholela, baho ozileka nzambi zao!’

Luka 21:31

Vivija, mwahavona vinhu avo volawilila, mujuwe kamba Undewa wa Imulungu wammabehi.

Luka 24:47

kwa twaga jake, usenga opetigwa kwa wanhu wa isi zose, kusongela Yelusalemu, ili waleke nzambi zao na Imulungu yazigele kumgongo.

Luka 6:20

Yesu kawalola wanahina zake, kalonga, “Mmweda mweye muli wakiwa, kwavija Undewa wa Imulungu uli wenu.

Luka 9:2

Abaho kawatuma wachole wakawapetele wanhu usenga wa Undewa wa Imulungu na kuhonya watamu.

Sang'hano 11:18

Viwahulike avo, waleka kumulonga na wamtogola Imulungu, walonga, “Vivija Imulungu kawagwaa wanhu haweli Wayahudi nyafasi ya kuleka nzambi na kubokela ugima wa milele!”

Sang'hano 17:30

Imulungu kaitenda halola kipindi kija wanhu viwakalile wabozi. Lakini lelo kowalagiza wanhu kila hanhu wazileke nzambi zao.

Sang'hano 2:38

Petulo kawalongela, “Kila imoja wenu kolondigwa yaleke nzambi na yabatizigwe kwa twaga da Yesu Kilisito, na Imulungu kozigela kumgongo nzambi zenu na mobokela Loho Yang'alile yeli nhunza.

Sang'hano 20:21

Niwazuma ng'hani Wayahudi na wanhu haweli Wayahudi wazileke nzambi zao na wambwelele Imulungu na kumtogola Mndewa wetu Yesu.

Sang'hano 26:20

Niwapetela wanhu kusongela Damesiki na Yelusalemu na abaho isi yose ya Yudea na kwa wanhu haweli Wayahudi. Waleke nzambi zao na wambwelele Imulungu na watende gaja golagusa waleka nzambi zao.

Sang'hano 3:19

Lelo lekeni nzambi zenu mumbwelele Imulungu, ili Imulungu yazigele kumgongo nzambi zenu.

2 Wakolinto 7:10

Kwavija kunyunyuwala kulawaga kwa Imulungu kotenda wanhu waleke nzambi ili wakomboligwe, avo hailondigwa kona usungu kwa mbuli ayo. Lakini kunyunyuwala kwa mwiisi kogala ifa.

Wakolosai 1:13

Imulungu katuhonya kulawa mmakono ga ziza, katugala muundewa wa Mwanage yomnogela,

2 Timoseo 2:25

Uwe muhole wahawalanguliza wanhu okulema gweye, sengine Imulungu kowatenda wambwelele na kuujuwa ukweli.

Waebulania 6:1

Avo sikutupange mna gamafundizo gamsongile kuifunza mbuli ya Kilisito, lakini tugendelele muubala, sikutulonge kabili mbuli ya mafundizo ga kuleka mbuli hazifaya na ga kumtogola Imulungu,

2 Petulo 3:9

Mndewa hakawa bule kutenda gaja gayawalongele kamba wanhu wayagwe viwogesa kokawa. Heyo kofunga umoyo mbuli yenu, kwavija halonda munhu yoyose yabanangigwe, lakini kolonda kila munhu yaleke nzambi zake.

Ugubulo 2:21

Nimgwaa kipindi cha kuleka nzambi zake, lakini halonda kuleka ugoni wake.

Ugubulo 2:5

Gelegeza aho haugwile! Leka nzambi zako, sang'hana kamba viutendile ichanduso. Kamba huleka nzambi zako, nokwiza kukisegesa kinhu chako cha kwikila taa kulawa hanhu hake.