Matayo 27:4 - Biblia Kikutu

⁴ Kawalongela, “Nhenda nzambi kwa kumuhinduka munhu yatendile ganogile yakomigwe!” Lakini wao wamwidika, “Ajo jako wiiyeka, siye twamduhu!”

Matayo 27:4 ပူးပေါင်းရင်းမြစ်များ

Zabuli 94:21

Oilumba kuwavamila wene haki, kuwatagusa ifa iwanhu hawatendile gehile.

Kulawa 12:31

Kilo acho Falao kawakema Musa na Haluni, kawalongela, “Lamukeni! Segeleni mwiisi yangu mweye hamoja na Waizilaeli, gendeni mukamtambikile Mndewa Imulungu kamba vimulongile.

Kulawa 9:27

Falao kalagiza Musa na Haluni wakemigwe, kawalongela, “Mwanza uno nitenda nzambi, Mndewa Imulungu katenda goya, niye na wanhu zangu tubananga.

Nongezi 12:8

Munhu kotogoligwa kwa nzewele zake, lakini munhu iyogesa gehile kobezigwa.

Matayo 27:19

Pilato viyakalile mna ikigoda cha nhaguso, mwehe wake kamtumila usenga, “Sikuumtendele chochose munhu ayo hatendile gehile, kwavija nigaya ng'hani mzinzozi mbuli yake.”

Matayo 27:54

Mkulu wa wakalizi na wakalizi wakalile omkaliza Yesu, viwayone isi yotigisika na mbuli ziyagwe zilawilile, wadumba ng'hani na kulonga, “Kweli ino kakala Mwana wa Imulungu!”

Luka 23:22

Pilato kawalongela mwanza wa kadatu, “Vino, mbuli gani ihile yaitendile munhu ino? Siyonile mbuli yoyose yaitendile munhu ino imtende yakomigwe! Nolagiza yatoigwe mbalati na kumulekesa.”

Luka 23:41

Gweye na niye totagusigwa goya, kwavija tobokela fungu da sang'hano zetu, lakini munhu ino hatendile mbuli yoyose ihile.”

Luka 23:47

Mkulu wa wakalizi wa Lumi viyagone gago galawilile, kamgwaa nhogolwa Imulungu, kalonga, “Munhu ino kweli kakala yanogile!”

Yohana 19:7

Wayahudi wamwidika, “Tunago Malagizo golonga kolondigwa yafe, kwavija kaitenda heyo Mwana wa Imulungu.”

Sang'hano 13:28

Hamoja hawapatile kilamuso cha kumkomela, wampula Pilato yamtaguse kufa.

Walumi 3:19

Sambi tojuwa kuwa Malagizo ga Imulungu gahalonga, golonga kwa wanhu wose olongozigwa na Malagizo, ili wanhu sikuwaigombele, na wanhu wose wa mwiisi watagusigwe na Imulungu.

1 Timoseo 4:2

Mafundizo kamba gago gogaligwa na wanhu watapitapi na wavizi, mizoyo yao ileka kuwatagusa kuwa wabananga isomigwa na zuma da moto.

Tito 1:16

Wanhu awo olonga kamba omjuwa Imulungu lakini sang'hano zao zolagusa kamba omulema. Wanhu ogevula mizoyo na hawategeleza, hawafaya kwa mbuli yoyose inogile.

Waebulania 7:26

Avo siye tulonda mulava nhosa mkulu kamba ayo, yotusang'hanila vitulonda na yang'alile na yelibule kitala hebu nzambi. Yainegile na wanhu otenda nzambi na kenuligwa kuchola kuulanga kwa Imulungu.

1 Petulo 1:19

lakini mulekesigwa kwa damu inogile ya Kilisito, yakalile kamba mwana ng'hondolo yelibule kitala hebu kilema chochose.

1 Yohana 3:12

Sikumuigale na Kaini, yalongozigwe na ija Imdumuka, na kamkoma ndugu yake Habili. Vino habali kamkoma? Kwavija gaja gayakalile yosang'hana geha, lakini gaja gayasang'hane ndugu yake gakala ganogile mgameso ga Imulungu.

Ugubulo 11:10

Wanhu okala mwiisi oideng'helela ifa ya wanhu awo wabili. Otenda nyimwilinyimwili na kuigwaa nhunza, kwavija watula ndagu awo wabili wawagaza ng'hani wanhu wa mwiisi.

1 Samweli 15:24

Baho Sauli kamulongela Samweli, “Nhenda mbuli ihile. Nigabena malagizo ga Mndewa Imulungu na malagizo gako, kwavija niwadumba wanhu na kuwategeleza wao.

1 Samweli 15:30

Sauli kalonga, “Nhenda mbuli zihile lakini nokupula unitegeleze kuulongozi wa iwavele na kuulongozi wa Waizilaeli na ubwele na niye ili nimtambikile Mndewa Imulungu, Imulungu wako.”

1 Samweli 19:5

Kaulava ugima wake kuitowa na ija Imfilisiti Goliati, nayo Mndewa Imulungu kawagwaa mhumo ng'hulu Waizilaeli. Na gweye viuwonile vija kudeng'helela. Daudi hatendile kinhu chochose kihile kumwako. Habali kolonda kutenda mbuli ihile kwa kumkoma munhu yelibule gehile gogose?”