Matayo 26:53 - Biblia Kikutu

⁵³ Vino hamujuwile bule maza nilondile nahampulile Tatangu yanhaze, nayo bahobaho yahagalile mabumbila makulu kubanza longo na mabili ga wasenga wa kuulanga wanhaze?

Matayo 26:53 ပူးပေါင်းရင်းမြစ်များ

Matayo 25:31

“Mwana wa Munhu yeli Mndewa vonda yeze muukulu wake, hamoja na wasenga zake wa kuulanga, kokala mkigoda chake cha undewa.

Matayo 4:11

Baho Mwenembago kamuleka Yesu, na wasenga wa kuulanga weza wamsang'hanila.

Maluko 5:15

Viwavikile kwa Yesu, wamona munhu ayo yakalile na vinyamkela kakala aho na kavala goya viwalo, na nzewele zake zimbwelela na wanhu wose wadumba.

Maluko 5:9

Yesu kamuuza, “Twaga jako nani?” Munhu ayo kamwidika, “Twaga jangu Lunhu, kwavija twa wengi!”

Luka 8:30

Yesu kamuuza munhu ija, “Twaga jako nani?” Kamwidika, “Twaga jangu Lunhu.” Kalonga avo kwavija vinyamkela wengi wakala wamkumbile.

Yohana 10:18

Kuduhu munhu youlava ugima wangu. Niye noulava kwa kulonda mwenyego. Ninao udahi wa kuulava, na udahi wa kuubweza kabili. Vino vivo viyanilagize Tata nhende.”

Yohana 18:36

Yesu kamulongela, “Undewa wangu hauli wa mwiisi ino. Maza undewa wangu uli wa mwiisi ino, wanahina zangu wahanigombele sikungogigwe na wakulu wa Wayahudi. Ka, undewa wangu hauli wa bahano bule!”

2 Wasesalonike 1:7

kowatenda mweye mugaiye musamhuke, na siye vivija. Kotenda vino kipindi Mndewa Yesu vonda yalawilile kulawa kuulanga hamoja na wasenga zake wa kuulanga weli na nguvu.

Yuda 1:14

Henoko, ulelo wa saba kulawa Adamu, kalagula mbuli ya wanhu awo kalonga, “Mndewa kokwiza hamoja na magana kwa magana ga wasenga zake wang'alile,