Matayo 24:9 - Biblia Kikutu

⁹ “Abaho mogogigwa, modununzigwa na kukomigwa. Wanhu wa isi zose owehila mbuli ya niye.

Matayo 24:9 ပူးပေါင်းရင်းမြစ်များ

Nongezi 29:27

Msang'hana gehile, ngevuzo kwa munhu yeli na haki, na munhu yeli na haki, ngevuzo kwa msang'hana gehile.

Matayo 22:6

Wayagwe wawagoga wasang'hanaji zake, wawatowa na kuwakoma.

Matayo 23:34

Avo nowagalila watula ndagu wa Imulungu na wanhu weli na nzewele, na wafundiza. Wayagwe mowakoma, wayagwe mowawamba na wayagwe mowatowa mbalati mna zing'anda za kumpula Imulungu na kuwawinga kulawa buga dino wachole buga diyagwe.

Luka 11:49

Kwa mbuli ayo, nzewele ya Imulungu ilonga, ‘Nowatuma watula ndagu wa Imulungu na watumigwa, wayagwe owakoma na wayagwe owadununza!’

Luka 21:12

Lakini gang'hali haganalawila gano gose, mogogigwa na kudununzigwa. Mogaligwa mzing'anda za kumpula Imulungu na kuwagodeka mkifungo, mogaligwa haulongozi wa wandewa na wakulu wa isi mbuli ya twaga jangu.

Yohana 15:18

“Wanhu wa mwiisi wahawehila, kumbukeni kamba wasonga kunihila niye.

Yohana 15:21

Owatendela mweye gano gose kwavija mwa wanhu zangu, na kwavija hawamjuwile ayo yanhumile.

Yohana 16:2

Wanhu owawinga mna zing'anda za kumpula Imulungu, na kipindi chokwiza baho kila munhu yowakoma mweye kogesa komsang'hanila Imulungu.

Sang'hano 28:22

Lakini yokuwa vinoga tukuhulike mwenyego ulonge magesa gako, kwavija siye tojuwa kamba kila hanhu wanhu okilema kibumbila kino.”

Sang'hano 7:59

Viwakalile omtowa mabwe Sitefano kapula, “Mndewa Yesu, ibokele loho yangu!”

1 Petulo 4:16

Lakini kamba kogaya kwavija komtogola Kilisito sikuukone kinyala, lakini mgwelele nhogolwa Imulungu kuwa kwa munhu wa Kilisito.

Ugubulo 2:10

Sikuudumbe gaja gonda gakutende ugaye. Tegeleza! Mwenembago kowageza na wanhu wayagwe kumwenu ogodekigwa mkifungo, na mogaya kwa siku longo, mukale kwa kutamaniligwa kwa chochose hata kamba kufa, na niye nowagwaa nhunza ya ugima.

Ugubulo 2:13

Nihajuwa hanhu aho houkala, aho kili kigoda cha undewa wa Mwenembago. Lakini gweye kwa mkweli kumwangu, hulekile bule kunitamanila hata mna ikipindi kija munhu wangu Antipasi yotamaniligwa mna ikila kiyolonga, viyakomigwe aho hakili kigoda cha Mwenembago.

Ugubulo 7:14

Niye nimwidika, “Go mkulu, gweye kujuwa.” Nayo kanongela, “Wano awo wahonyeke mna gamagayo makulu. Wavifuwa viwalo vao kwa damu ya Mwanang'hondolo, viwa vizelu chuwee.