Matayo 21:5 - Biblia Kikutu

⁵ “Dilongele buga da Sayuni, Lola, mndewa wako kokwiza! Muhole na kakwela kihongwe na mwanage kihongwe.”

Matayo 21:5 ပူးပေါင်းရင်းမြစ်များ

Mwanduso 49:10

Mkongoja wa ukulu honda usegele mmakono ga Yuda, na mkongoja wa utawala honda usegele muulelo wake mbaka vonda yeze ija mwenyego heyo makabila gose gomtegeleza.

Matayo 11:29

Soleni nila yangu muifunze kumwangu, kwavija niye simgaza munhu hebu kumbezeli, na mweye mokala mizoyo iholile.

Matayo 2:6

‘Mweye wanhu wa Beselehemu mwiisi ya Yudea, buga jenu hadili dodo bule mna gamabuga ga Yuda, kwavija kumwenu kolawa kilongozi yonda yawalongoze wanhu zangu wa Izilaeli.’ ”

Matayo 2:2

Wauza, “Kakwahi imwana yavumbuke yawe Mndewa wa Wayahudi? Kwavija tuyona nhondo yake kulawa mwambu wa kudilawila zuwa na siye twiza kumfugamila.”

2 Wakolinto 10:1

Niye Paulo mwenyego, wanhu wayagwe olonga namuhole kipindi nahawa na mweye, lakini nahawa kutali na mweye namsabalu. Nowapula kwa bazi na moyo unogile wa Kilisito,

Zabuli 9:14

ili nizisimulile nhogolwa zako mmilango ya biti Sayuni, na kuko nideng'helele ukombola wako.

2 Samweli 16:2

Mndewa Daudi kamuuza Siba, “Habali kugala vinhu vino?” Siba kamulongela, “Vihongwe mbuli ya kukwela wanhu wa mng'anda mmwako, magate na matunda ndiya ya wano iwabwanga wose, na divai ino iwasangalamuse waja onda wasinduke kuluwala.”

Wasemi 12:14

Heyo kakala na wana wa kimbigalo malongo mane na wazukulu malongo madatu, hewo wakwela vihongwe malongo saba. Abidoni kawa msemi wa iwanhu wa Izilaeli kwa miyaka minane.

Wasemi 5:10

Mweye mukwelaga vihongwe wazelu, na mukalilaga migolole inogile, mweye mugenda mnzila.

Kumbukumbu 17:16

Hata avo sikuyawe na falasi wengi mbuli ya ng'hondo, na vivija sikuyawabweze iwanhu ako Misili ili yapate falasi wengi mbuli ya ng'hondo, kwavija Mndewa Imulungu kawazuma, ‘Sikumubwele kuko kabili.’

Kupetigwa 24:19

Munhu imoja kulawa muulelo wa Yakobo kotawala. Na kowakoma iwanhu onda wasigale kudibuga.”

Yohana 1:49

Nasanaeli kedika, “Mfundiza, gweye kwa Mwana wa Imulungu! Gweye kwa Mndewa wa Izilaeli!”

Matayo 21:6

Avo wanahina wachola watenda vivija viyawalongele Yesu watende.

Luka 24:27

Yesu kawasimulila gaja galongigwe na Maandiko Gang'alile mbuli yake mwenyego, kusongela mna ivitabu va Musa na maandiko ga watula ndagu wose wa Imulungu.