Matayo 2:11 - Biblia Kikutu

¹¹ Avo wengila mng'anda, wamona imwana na Malia mamake, wamfugamila na kumtambikila. Abaho wamgwaa nhunza za zahabu, mavumba na mavuta ga bei ng'hulu gokemigwa manemane.

Matayo 2:11 ပူးပေါင်းရင်းမြစ်များ

Mwanduso 43:11

Baho Izilaeli, tatao, kawalongela, “Ona, kwavija vivo ilondigwa, tendeni avo, soleni mmikoba yenu vinhu vinogile ng'hani va isi ino, mumgalile nhunza mkulu ayo. Soleni mavuta ga nyemba kidogo na uki kidogo, ubani, manemane, kungu na lozi.

Zabuli 2:12

Mtambikileni imwana, buleavo kogevuzika na kuwabananga, kwavija ng'hasiliki yake yodaha kwaka himahima. Wamweda wose omkimbilila.

Zabuli 45:8

Viwalo vako vose vonung'hila manemane na udi na mdalasini, kulawa mding'anda da kindewa dihambigwe kwa mhembe zinogile, iwanhu okwimbila kwa bango.

Zabuli 72:10

Wandewa wa Talishishi na iwandewa wa mhwani omgalila nhosa, wandewa wa Sheba na Seba omgalila nhunza.

Zabuli 72:15

Heyo yakale mgima, na yabokele zahabu za Sheba, wanhu wampulile kwa Imulungu siku zose, na yamwede imisi yose.

Zabuli 95:6

Izoni tumtambikile, tumfugamile Mndewa Imulungu yatulumbile.

Kulawa 30:23

“Sola vinhu vinogile kamba vija manemane ya mazi nyhupa sita, mdalasini unung'hila goya kilo ndatu, mkegeni unung'hila goya kilo ndatu,

Kulawa 30:34

Abaho Mndewa Imulungu kamulongela Musa, “Sola vipimo va vinhu va umulile viigale na vinhu vino, ululu wa natafi na ululu wa shekeleti na ululu wa kelibena na ubani unogile.

Walawi 6:15

Mulava nhosa yadehe ganza dimoja da usage hamoja na mavuta na ubani wose na yavilukuze muupango wa nhosa, ino yokuwa hanhu ha kukumbuka kamba usage wose ulavigwa kwa Mndewa Imulungu, mnung'ho wake omnogeza Mndewa Imulungu.

Kupetigwa 7:14

na kisahani kimoja cha zahabu kili na uzito wa gilamu gana na longo kuno kimemezigwa ubani,

Kupetigwa 7:86

Avo ivisahani va zahabu longo na vibili vimemile ubani, kila kimoja kikala na uzito wa gilamu gana na longo kamba viwapimaga mna dihema ding'ala, vose kwa vose vikala na uzito wa kilo imoja na gilamu magana madatu na malongo mabili.

Matayo 1:18

Kuvumbuka kwa Yesu Kilisito kukala vino, Malia yafungiligwe zengele na Yusufu, lakini wang'hali hawanakala hamoja kamba mbigalo na mtwanzi, Malia koneka kana inda kwa udahi wa Loho Yang'alile.

Matayo 12:46

Yesu viyakalile yang'hali kolonga na wanhu, mamake na ndugu zake weza, wema kunze walonda kulonga nayo.

Matayo 14:33

Wanahina wakalile mwiingalawa wamtambikila Yesu, walonga, “Kweli gweye kwa Mwana wa Imulungu!”

Matayo 2:10

Viwayone inhondo, wadeng'helela ng'hani.

Matayo 2:2

Wauza, “Kakwahi imwana yavumbuke yawe Mndewa wa Wayahudi? Kwavija tuyona nhondo yake kulawa mwambu wa kudilawila zuwa na siye twiza kumfugamila.”

Luka 2:16

Avo walopola kuchola, wawavika Malia na Yusufu, na wamona imwana king'hele katambalizigwa hanhu hoodimiligwa ng'ombe.

Luka 2:38

Saa iija kavika, kamgwaa nhogolwa Imulungu na kalonga mbuli za imwana kwa wanhu wose wakalile ombeta Imulungu yaikombole Yelusalemu.

Yohana 19:39

Nikodemo, munhu yamgendele Yesu ikilo baho ichanduso hamoja na Yusufu, kapapa mhishi longo na tano za mavumba, gatibwilizigwe na mavuta ga bei ng'hulu gokemigwa manemane na ubani.

Ugubulo 19:10

Nigwa kingubanguba mmagulu gake nilonda kumtambikila, lakini kanongela, “Sikuutende vivo! Niye na msang'hanaji kamba gweye na wayago wamtogole Yesu, ogoga ukweli ugubuligwe na Yesu. Mtambikile Imulungu! Kwavija wanhu ogoga ukweli ugubuligwe na Yesu olongozigwa na loho yawalongoze watula ndagu wa Imulungu.”

Ugubulo 5:8

Bahaja viyakisolile acho ikitabu avo iviumbe vine vili na ugima hamoja na waja iwavele malongo mabili na nne wagwa kingubanguba kuulongozi wa Mwanang'hondolo. Kila imoja wao kakala na bango na bakuli za zahabu zimemile ubani, ubani awo ako kupula kwa wanhu wa Imulungu.

1 Samweli 10:27

Lakini wanhu watatali walonga, “Vino munhu ino kodaha kutukombola?” Wambezeli Sauli na hawamgwelele nhunza yoyose, lakini Sauli kanyamala tuluu.