Matayo 2:1 - Biblia Kikutu

¹ Yesu kavumbuka kudibuga da Beselehemu mwiisi ya Yudea, kipindi Helode viyakalile Mndewa. Aho viyavumbuke wanhu wayagwe wajuwile mbuli za nhondo weza kulawa mwambu wa kudilawila zuwa wavika Yelusalemu.

Matayo 2:1 ပူးပေါင်းရင်းမြစ်များ

Mwanduso 10:30

Isi iwakalile yenela kulawa Mesha mbaka Sefali kuvigongo va mwambu wa kudilawila zuwa.

Mwanduso 25:6

Lakini yang'hali mgima kawagwaa nhunza iwana yalelile na watumwa wake. Abaho kawagala wana awo kuna iisi ya mwambu wa kudilawila zuwa, kutali na kuyeli mwanage Isaka.

Mwanduso 41:8

Imitondo yake, Falao kanyawanyawa ng'hani, kawakema iwahawi wose wa isi ya Misili na wanhu wabala, kawalongela nzozi zake, lakini kuduhu hata imoja yadahile kumfambulila nzozi azo.

Mwanduso 49:10

Mkongoja wa ukulu honda usegele mmakono ga Yuda, na mkongoja wa utawala honda usegele muulelo wake mbaka vonda yeze ija mwenyego heyo makabila gose gomtegeleza.

Matayo 1:25

Lakini hatembele nayo mbaka viyalelile mwana na Yusufu kamgwaa twaga mwana ayo Yesu.

Matayo 2:16

Helode viyajuwile kamba wanhu wacholile kumulola Yesu kulawa mwambu wa kudilawila zuwa wamvizila, kagevuzika ng'hani. Kalava lagizo da kuwakoma wana wose wa kimbigalo weli Beselehemu na hiwo weli behi, kusongela wana ving'hele mbaka wana weli na miyaka mibili ino itendigwa kamba viyajuwile kulawa kwa wanhu wacholile kumulola Yesu mna ikipindi viwayone inhondo.

Matayo 2:19

Helode viyafile, msenga wa Mndewa kamulawilila Yusufu mzinzozi mwiisi ya Misili,

Matayo 2:3

Mndewa Helode viyahulike vivo kanyawanyawa ng'hani na vivija kila munhu yakalile Yelusalemu kanyawanyawa.

Matayo 2:5

Wamwidika, “Kovumbukila kudibuga da Beselehemu mwiisi ya Yudea, vivo yandike mtula ndagu wa Imulungu,

Matayo 2:7

Avo Helode kawakema kinyelegezi wanhu waja ojuwa mbuli za nhondo kawauza kipindi gani nhondo viyoneke.

Luka 1:5

Kipindi acho Helode viyakalile mndewa wa Yudea, kukala na mulava nhosa, twaga jake Zakalia, wa kibumbila cha Abiya. Mwehe wake kakala Elizabeti, nayo vivija kalawa mulukolo lwa mulava nhosa Haluni.

Luka 2:11

Lelo kudibuga da Daudi, Mkombola wenu kavumbuka, ayo Kilisito Mndewa!

Luka 2:15

Wasenga wa kuulanga viwabwelile kuulanga, wasusilaji wailongela, “Tucholeni Beselehemu tukailole mbuli ino ilawilile, yailongile Mndewa.”

Yohana 7:42

Maandiko Gang'alile golonga kamba Kilisito Mkombola kolawa mulukolo lwa Daudi na kovumbukila Beselehemu kudibuga diyakalile Daudi.”

Wasemi 17:7

Siku azo kukala na mbwanga imoja mulawi kudibuga da Beselehemu mwiisi ya Yuda, kakala mgeni yokala na iwanhu wa kabila da Yuda.