Matayo 18:10 - Biblia Kikutu

¹⁰ “Iteganyeni sikumumbeze imoja wa wadodo wano. Kwavija nowalongeleni wasenga wa kuulanga olola kihanga cha tatangu yeli kuulanga.

Matayo 18:10 ပူးပေါင်းရင်းမြစ်များ

2 Samweli 14:28

Abisalomu kakala miyaka mibili ako Yelusalemu bila kumona mndewa Daudi.

Zabuli 15:4

Imunhu yowabezeli wehile, ila kowatogola iwanhu omdumba Mndewa Imulungu, imunhu yovikiza gaja gayaiduwile hata kamba gotenda vinhu vake vipotele.

Zabuli 17:15

Lakini niye nokilola kihanga chako mna ihaki, nahalamuka nokwiguta kihanga chako.

Zabuli 34:7

Msenga wa Mndewa Imulungu kowakaliza iwanhu wose omdumba Imulungu, na kowakombola mmagazo.

Zabuli 91:11

Kwavija Imulungu kowalagiza wasenga zake mbuli yako, wakukalize mnzila yako.

Matayo 1:20

Viyakalile kogelegeza vivo, msenga wa kuulanga wa Mndewa kamulawila mzinzozi na kamulongela, “Yusufu mzukulu wa Daudi, sikuudumbe kumsola Malia yawe mwehe wako, kwavija inda yake kaipata kwa udahi wa Loho Yang'alile.

Matayo 12:20

Honda yalubene ludete luveduke, hebu kuuzima utambi ulava yosi, mbaka vonda yaitende haki itawale.

Matayo 18:14

Vivija Tata yeli kuulanga halonda hata imoja wa wadodo wano yapotele.

Matayo 18:6

“Munhu yoyose yonda yamuhonze imoja wa wadodo wano onitogola, yatende nzambi yokuwa vinoga munhu ayo yagodekigwe dibwe kulu da kudugila msingo na yasigwe mbahali.

Matayo 2:13

Viwasegele msenga wa Mndewa kamulawilila Yusufu mzinzozi kamulongela, “Helode komzahila imwana yamkome. Avo lamuka umsole imwana na mamake mkimbilile Misili, na mukale kuko mbaka vonda nikulongele usegele.”

Matayo 2:19

Helode viyafile, msenga wa Mndewa kamulawilila Yusufu mzinzozi mwiisi ya Misili,

Matayo 24:31

Mhalati yotoigwa, na kowatuma wasenga zake wa kuulanga mna izibanzi nne za mwiisi, nao oweka hamoja wanhu zake yawasagule kulawa mwambu uno wa isi na uyagwe.

Luka 1:19

Msenga ija kamwidika, “Niye na Gabilieli. Nokwima haulongozi ha Imulungu, heyo ayo yanhumile nonge na gweye kukupetela mbuli ino inogile.

Luka 10:16

Yesu kawalongela wanahina zake, “Munhu yoyose yowategeleza mweye, konhegeleza niye, na yoyose yowalema mweye, kondema niye. Na munhu yoyose yondema niye, komulema ija yanhumile.”

Luka 16:22

“Abaho mkiwa ija kafa na kasoligwa na wasenga wa kuulanga mbaka behi ya Abulahamu. Tajili ayo nayo kafa na kazikigwa.

Sang'hano 10:3

Siku dimoja saa tisa imisi, Imulungu kamulagusila kinhu, kamona msenga wa kuulanga wa Imulungu kamwizila kamulongela, “Kolinelio!”

Sang'hano 12:15

Wamulongela, “Gweye kuna kibozi mbwelela.” Lakini kagangamiza kamba ikala kweli. Avo wamwidika, “Sengine msenga wake kulawa kuulanga.”

Sang'hano 12:23

Bahaja msenga wa kuulanga kambwanha hasi Helode, kwavija hamgwelele Imulungu ukulu. Kahomigwa na msango kafa.

Sang'hano 27:23

Kwavija kilo cha jana msenga wa kuulanga wa Imulungu kanizila. Imulungu inimsang'hanila na kumgwaa ukulu.

Sang'hano 5:19

Lakini ikilo msenga wa kuulanga wa Mndewa kafungula nyivi za ikifungo, kawalava kunze iwatumigwa, kawalongela,

Walumi 14:10

Gweye habali umtagusa miyago? Hebu habali umbeza miyago? Kwavija hana siku tokwima mgameso ga Imulungu tutagusigwe.

Walumi 14:21

Vinoga kuleka kuja nyama hebu kung'wa divai hebu kusang'hana kinhu chochose chonda kimuhonze miyago yatende nzambi.

Walumi 15:1

Siye tumtamanila Imulungu kwa nguvu tuwataze waetu omtamanila Imulungu kwa kunyolila ili wadahe kufunga umoyo mna ukunyolila kwao. Sikututende gaja gotunogela siye twiiyeka.

1 Wakolinto 11:22

Vino, mweye mwabule kae za kudila na kung'wela? Hebu mowazeha kibumbila cha wanhu wamtogole Imulungu na kuwagela kinyala wanhu weliduhu kinhu? Vino niwalongele choni? Niwagwee nhogolwa? Siwagwaa nhogolwa kwa mbuli ayo!

1 Wakolinto 16:11

Munhu yoyose sikuyambezeli, lakini mumtaze yagendelele goya na mwanza wake, ili yabwele kumwangu, kwavija niye nombeta hamoja na ndugu zangu.

1 Wakolinto 9:22

Kwa waja wanyolile, na niye ninyolila ili niwapate hewo. Avo niitenda kila kinhu kwa wanhu wose ili nidahe kuwatenda wayagwe wakomboligwe kwa nzila yoyose idahika.

2 Wakolinto 10:1

Niye Paulo mwenyego, wanhu wayagwe olonga namuhole kipindi nahawa na mweye, lakini nahawa kutali na mweye namsabalu. Nowapula kwa bazi na moyo unogile wa Kilisito,

2 Wakolinto 10:10

Kwavija olonga, “Baluwa za Paulo zizama na zimema mbuli ng'hulu, lakini yahawa hamoja na siye konyolila, na ulonzi wake siyo kinhu chochose!”

Wagalatia 6:1

Ndugu zangu, mwahamona munhu yoyose katenda nzambi, mweye mulongozigwa na Loho wa Imulungu mzumeni munhu ayo, ili yaleke nzambi zake. Lakini mzumeni kwa uhole, kuno moiteganya ili sikumugezigwe.

1 Wasesalonike 4:8

Avo munhu yoyose iyolema mafundizo gano hamulema munhu ila komulema Imulungu mwenyego yowagwaa Loho wake Yang'alile.

1 Timoseo 4:12

Sikuutogole munhu yakubeze kwavija gweye kwa mbwanga, lakini uwe kilaguso kwa wanhu wamtogole Yesu, kwa ulonzi wako na sang'hano zako na unogelwa wako na kutamanila kwako na ugima unogile.

Waebulania 1:14

Vino wasenga wa kuulanga ndio choni? Wao loho iwomsang'hanila Imulungu yawatumile kuwataza wanhu waja onda waubokele ukombola.

Waebulania 9:24

Kwavija Kilisito hengile Mdigati Ding'alile dizengigwe na wanhu, dili kilaguso cha kija chenyego kili kuulanga lakini kengila kuulanga kwenyego, ako sambi ka haulongozi ha Imulungu kokoneka mbuli ya siye.

Ugubulo 8:2

Abaho niwona wasenga saba wa kuulanga wema kuulongozi wa Imulungu, wagweleligwa mhalati saba.