Matayo 16:18 - Biblia Kikutu

¹⁸ Niye nokulongela, Petulo, gweye kwa dibwe kulu na uchanha mwa dibwe dino nozenga kanisa jangu, hata ifa haidaha bule kudihuma.

Matayo 16:18 ပူးပေါင်းရင်းမြစ်များ

Mwanduso 22:17

nokutenda umwede na kuutenda ulelo wako uwe kamba nhondo za kuulanga na kamba msanga wa mwhani. Ulelo wako osola isi za wanhu wawehile,

2 Samweli 18:4

Mndewa kawalongela, “Notenda kija kimchona kumwenu kinoga.” Avo mndewa kema hamgwazo ya lwivi, kuno wakalizi zake maelufu kwa magana olawa.

Zabuli 107:18

ndiya ikala usungu kumwao, walonda kudanganika.

Zabuli 127:5

Kamweda munhu yeli na misale ayo mingi. Honda yahumwe yahalonga na iwanhu omwihila mkitala.

Zabuli 129:2

“Wandununza ng'hani toka muubwanga wangu, lakini hawanihumile bule.

Zabuli 69:12

Waja okala mmulango onigeweza, iwanhu wakoligwe otunga nyila mbuli yangu.

Zabuli 9:13

Go Mndewa Imulungu, unyonele bazi, lola magazo gangu kulawa kwa awo onihila, uninule kulawa mmilango ya ifa,

Nongezi 24:7

Kwa munhu mbozi vidala kuutanga ubala, mumting'hano halonga mbuli.

Matayo 10:2

Gano gago matwaga ga watumigwa longo na wabili, wa ichanduso Simoni yakemigwe Petulo na ndugu yake Andeleya, Yakobo na ndugu yake Yohana wana wa Zebedayo.

Matayo 11:23

Vivija na gweye Kapelinaumu! Vino kolonda kuinula mwenyego mbaka kuulanga? Kohumulusigwa mbaka kowochola wanhu wafile! Maza unzonza utendigwe kumwako gweye wahatendigwe Sodoma, isi ayo yahasigale mbaka lelo!

Matayo 18:17

Kamba yahalema kuwategeleza, walongele wanhu wamtogole Yesu, vivija yahalema kuwategeleza, muleke yawe kumwako kamba mmhazi hebu mbokela kodi.

Matayo 4:18

Yesu viyakalile kobita kumgwazo wa lamba da Galilaya, kawavika munhu na mkulu wake ovula somba. Wakala Simoni yakemigwe Petulo na mdodo wake Andeleya, wakala ovula somba mna dilamba na mizavu yao.

Matayo 7:24

“Munhu yoyose yohulika mbuli zangu na kuzigoga, ayo kaigala na munhu mbala yazengile ng'anda yake mdibwe kulu.

Yohana 1:42

Abaho Andeleya kamgala Simoni kwa Yesu. Yesu kamulola, kamulongela, “Twaga jako Simoni mwanage Yohana, lakini kokemigwa Kefa.” Kefa kwa Kigiliki Petulo, na Petulo fambulo jake dibwe.

Sang'hano 2:47

kuno omtogola Imulungu, na wanhu wose wawanogela. Kila siku wanhu wamtogole Yesu ongezigwa na Mndewa mdibumbila jao.

Sang'hano 20:28

Avo muiteganye wenyego, diloleni goya bumbila jose diyawagwelele Loho Yang'alile mdikalize. Waloleni goya wanhu wa Imulungu, yawapatile Imulungu kubitila damu ya Mwanage.

Sang'hano 8:1

Nayo Sauli kona vinoga kukomigwa kwa Sitefano. Mna izisiku azo wanhu wamtogole Yesu ako Yelusalemu wasonga kudununzigwa vihile. Wanhu wose wamtogole Yesu, wahaleka watumigwa, wakala wapwililike mwiisi iyo ya Yudea na Samalia.

1 Wakolinto 15:55

“Ifa, kuhuma kwako kwa kwahi? Ifa, udahi wako wa kulumiza wa kwahi?”

Wagalatia 2:9

Yakobo, Kefa na Yohana okoneka kuwa vilongozi wakulu, waijuwa ng'hekewa inigweleligwe na Imulungu, avo watugoga makono niye na Balinaba, kulagusa siye na wao twa kinhu kimoja. Tuitogolela kuwa niye na Balinaba tukasang'hane kwa wanhu haweli Wayahudi na wao wakasang'hane kwa Wayahudi.

Waefeso 3:10

ili sambi, kubitila wanhu wamtogole Yesu, watawala na weli na ukulu wa kuulanga waijuwe nzewele ya Imulungu viili na nzila nyingi.

Waefeso 5:32

Kuna ukweli ufisigwe ugubuligwe mna zimbuli zino, na niye nokona kuwa zomulonga Kilisito na kanisa jake.

Wakolosai 1:18

Nayo ayo pala da lukuli, lukuli awo wanhu wose wamtogole Yesu. Heyo ayo chanduso cha ugima, heyo ayo yasongile kuzilibuka kwa wanhu wafile ili yawe mkulu mna ivinhu vose.

1 Timoseo 3:15

Lakini nahakawa, baluwa ino yowalongela vija viilondigwa siye tusang'hane mna ing'anda ya Imulungu nayo ayo wanhu wamtogole Imulungu yeli mgima, yeli mhanda na chandusilo cha ukweli wose.

1 Timoseo 3:5

Kamba munhu hadaha kuwalongoza goya wanhu wa mng'anda mmwake, kodahaze kuwalola goya wanhu wa Imulungu?

Waebulania 12:28

Avo tumgwee nhogolwa Imulungu, kwavija tubokela undewa hautigisika. Tumgwee nhogolwa Imulungu na tumgwee ukulu onda umnogeze, kwa kumtegeleza na kwa bwembwe.

Ugubulo 11:15

Abaho msenga wa saba wa kuulanga katowa mhalati yake, kukala na sauti ng'hulu kuulanga, ilonga, “Sambi undewa wa mwiisi wa Mndewa Imulungu wetu na Kilisito iyamsagule. Nayo kotawala siku zose!”

Ugubulo 21:14

Senyenge ya buga dijo izengwa ha chandusilo cha mabwe longo na mabili, uchanha ya kila dibwe jandikigwa twaga dimoja da waja watumigwa longo na wabili wa Mwanang'hondolo.