Matayo 15:18 - Biblia Kikutu

¹⁸ Lakini vija vilawa mmulomo, volawa muumoyo, navo vivo vimfitiza munhu.

Matayo 15:18 ပူးပေါင်းရင်းမြစ်များ

Zabuli 36:3

Mbuli za mulomo wake ziha na za uvizi, kaleka kugelegeza goya na kutenda ganogile.

Nongezi 10:32

Milomo ya wanhu wene haki yotanga mbuli zonda zitogoligwe, lakini milomo ya wanhu osang'hana gehile yolonga gehile.

Nongezi 15:2

Lulimi lwa munhu yeli na ubala lolonga goya mbuli za kutanga vinhu, lakini kulawa mmulomo wa munhu mbozi kokwita ubozi.

Nongezi 15:28

Moyo wa munhu yeli na haki ogelegeza vonda yedike, lakini mulomo wa munhu yehile okwita gehile.

Nongezi 4:23

Ulole goya moyo wako kubanza vose viuvilola goya, kwavija mumo muulawa ugima.

Nongezi 6:12

Munhu yehile, hafaya kinhu, kokwanga yolonga mbuli za uvizi.

Matayo 12:34

Mweye lukolo lwa mizoka! Vino modahaze kulonga mbuli zinogile na kuno mweye wenyego mwiha? Kwavija munhu kolonga kija kimemile muumoyo.

Matayo 15:11

Kuduhu kinhu kingila mmulomo chodaha kumfitiza munhu, lakini kija kilawa mmulomo wa munhu acho kimfitiza munhu.”

Matayo 15:17

Mweye hamujuwile bule? Kinhu kingila mmulomo wa munhu chochola mna iinda, abaho cholawa kunze?

Maluko 7:20

Kagendelela kulonga, “Kinhu kilawa muumoyo wa munhu acho kimfitiza munhu.

Luka 19:22

Mkulu ija kamulongela, ‘Gweye kwa msang'hanaji yehile! Nokutagusa kwa mbuli zako mwenyego! Kunijuwa nina gahigahi, nisolaga vinhu va wayangu na kusenga vija sivihandile.

1 Samweli 24:13

Kumbuka ulonzi wa wanhu wa umwaka, ulonga, ‘Kwa yehile golawa gehile.’ Lakini niye sigolosa mkono wangu nikutendele gehile.