Matayo 13:44 - Biblia Kikutu

⁴⁴ “Undewa wa kuulanga uigala na zahabu ifisigwe mumgunda. Munhu imoja kaiyona abaho kaifisa kabili, na kwa deng'ho kulu diyakalile najo kachola kuuza vose viyalinavo abaho kaugula mgunda uja.”

Matayo 13:44 ပူးပေါင်းရင်းမြစ်များ

Nongezi 16:16

Kuwa na ubala kunoga kubanza zahabu, kuwa na nzewele kunoga kubanza shaba.

Nongezi 17:16

Yofaya choni kwa mbozi kuwa na sente mmakono gake za kugulila ubala, kuno heyo mwenyego kabule nzewele?

Nongezi 18:1

Yoinega na wayage kozahila gaja gomnogeza heyo mwenyego, kolema magesa ganogile.

Nongezi 23:23

Gula ukweli, sambi uuchuuze, gula ubala na mafundizo na nzewele,

Matayo 13:24

Yesu kawalongela lusimo luyagwe, “Undewa wa kuulanga uigala na gaja galawilile kwa munhu yahandile mbeyu inogile mumgunda wake.

Matayo 13:46

viyaiyonile lulu imoja inogile ng'hani, kachola na kuuza kila kinhu kiyalinacho, ili yaigule lulu ayo.”

Matayo 13:47

“Vivija Undewa wa kuulanga uigala na wavula somba wategile lwavu lwao mdilamba na kunamata somba odigwa na howodigwa.

Matayo 19:21

Yesu kamulongela, “Wahalonda udahe kutenda goyolonda Imulungu, genda kachuuze vinhu vose viuli navo na ukawagwelele wakiwa zisente, na gweye kokuwa na utajili kuulanga, abaho wize unikweleleze.”

Matayo 19:27

Petulo kamwidika, “Lola siye tuleka kila kinhu na kukukweleleza gweye. Avo topata choni?”

Matayo 19:29

Munhu yoyose yalekile ng'anda hebu ndugu hebu lumbu jake hebu tatake hebu mamake hebu wanage hebu migunda mbuli ya niye kobokela miyanza gana kwa vija viyelinavo, na koupata ugima wa milele.

Matayo 6:21

Kwavija kuko kuili ngama yako, vivija kuko kondauwe moyo wako.

Luka 14:33

Yesu kamambukiza kulonga, “Vivo ili kumwenu, kuduhu munhu yodaha kuwa mwanahina wangu mbaka yaleke kila kinhu kiyali nacho.

Yohana 6:35

Yesu kawalongela, “Niye ayo ndiya igala ugima. Wose onda weze kumwangu honda one nzala, na waja wose onhogola honda one ng'hilu.

Walumi 15:4

Kila kinhu chandikigwe ako umwaka chandikigwa kutufunza siye, ili kwa kubetela na kuigangamiza tumtamanile Imulungu kubitila Maandiko Gang'alile.

Wakolosai 2:3

Mgati mmwake zifisigwa ngama zose za nzewele na ubala.

Wakolosai 3:16

Usenga wa Kilisito umeme mmizoyo yenu. Ifunzeni na muizume kwa nzewele zose. Mwimbe zabuli na nyila za kumtogola na kumtambikila Imulungu. Mwimbileni Imulungu wenu kwa kumgwaa nhogolwa mmizoyo yenu.

Waebulania 10:34

Muwonela bazi wanhu wakalile mkifungo, na mutogola kwa kudeng'helela vimukalile mobokigwa vinhu venu, kwavija mukala mujuwile kuwa mna kinhu kinogile ng'hani, chonda kikale kipindi chose.

Ugubulo 3:18

Nokugwaa magesa, gula kumwangu zahabu isunhigwe kwa moto, ili uwe na ugoli. Vivija gula viwalo vizelu uvale, ugubike kinyala cha kuwa mwazi. Vivija gula dawa ya meso ugabake meso gako ili udahe kulola.