Matayo 12:4 - Biblia Kikutu

⁴ Kengila Mng'anda ya Imulungu, heyo na wayage wagaja magate galavigwe nhosa kwa Imulungu, hamoja hailondeke wao wagaje, ila walava nhosa waiyeka.

Matayo 12:4 ပူးပေါင်းရင်းမြစ်များ

Kulawa 25:30

Uchanha ya imeza mogeka gaja gamagate gamundavile. Magate gago gosigala baho siku zose mgameso gangu.

Walawi 8:31

Musa kamulongela Haluni na wanage, “Telekeni nyama ino aho hana ulwivi lwa dihema da mting'hano na muije yose aho hamoja na gate dili mkigelo cha nhosa za kuwalava wanhu kwa Mndewa Imulungu, tendeni kamba Mndewa Imulungu viyanilagize, kamba vinhu avo vodigwa na Haluni na wanage.

Matayo 12:3

Yesu kawedika, “Hamusomile kija kiyatendile Daudi, kipindi heyo na wayage viwakalile na nzala?

Matayo 12:5

Vino hamusomile mna Gamalagizo ga Musa, kila siku ya Kubwihila walava nhosa obena lagizo da siku ya Kubwihila mna Ing'anda ya Imulungu, na hawakoneka kamba wabananga?

Maluko 2:26

Mna ikipindi cha Mkulu wa walava nhosa Abiatali, Daudi kengila mna Ing'anda ya Imulungu na kugaja magate galavigwe nhosa kwa Imulungu. Magate gago golondigwa kudigwa na walava nhosa waiyeka, lakini Daudi kagaja na abaho kawagwaa wayage.”

Luka 6:4

Daudi kengila Mng'anda ya Imulungu, kasola magate galavigwe kwa Imulungu, kagaja na vivija kawagwaa wayage. Malagizo gawagomesa wanhu wayagwe kuja magate gago ila kwa walava nhosa waiyeka.”

Waebulania 9:2

Hema da kutambikila dizengwa, na mwambu wa kunze wa kwingilila ukemigwa Gati Ding'alile. Mgati kukala na kingolobweda cha kwikila taa na meza na kukala na magate galavigwe kwa Imulungu.

1 Samweli 21:4

Mulava nhosa kamulongela, “Hano nabule magate goulonda gweye. Hano hana magate galavigwe kwa Mndewa Imulungu. Nodaha kukugwaa kamba wanhu zako hawawasile na watwanzi zao.”

1 Samweli 21:6

Avo mulava nhosa kamgwaa magate galavigwe kwa Mndewa Imulungu kwavija kukala kuduhu magate gayagwe kubanza gago galavigwe kuulongozi wa Mndewa Imulungu, magate gago gasegesigwa na gekigwa magate gayagwe ga moto moto.