Matayo 11:5 - Biblia Kikutu

⁵ wasuwameso olola, mbetembete otembela, na weli na utamu wa dikulu ohonyigwa na wanhu hawahulika ohulika, wafile ozilibuka na wakiwa opeteligwa Mbuli Inogile.

Matayo 11:5 ပူးပေါင်းရင်းမြစ်များ

Zabuli 146:8

Mndewa Imulungu kowafumbula meso wasuwameso, Mndewa Imulungu kowenula waja olemelwa na mizigo yao, Mndewa Imulungu kowanogela wene haki.

Zabuli 22:26

Wakiwa oja na kushiba, iwanhu omzahila Mndewa Imulungu omtogola. Imulungu yawagwee ugima milele.

Kulawa 4:11

Mndewa Imulungu kamuuza, “Nani yalumbile mulomo wa munhu? Nani yomtenda munhu sikuyalonge hebu mvugu? Yalole hebu msuwameso? Vino sili niye Mndewa Imulungu?

Matayo 10:8

Muwahonye watamu, wazilibuleni wafile, muwahonye waja weli na utamu wa dikulu, muwalave vinyamkela. Mugweleligwa bule, laveni bule.

Matayo 11:4

Yesu kawedika, “Bweleni mkamulongele Yohana gaja gomuhulika na kugona,

Matayo 12:13

Abaho kamulongela munhu ija yaholole mkono, “Golosa mkono wako.” Avo kaugolosa mkono wake, nao uhona kamba uja uyagwe.

Matayo 21:14

Wasuwameso na wanhu mbetembete wamcholela Yesu kuna Ing'anda ya Imulungu, nayo kawahonya.

Matayo 5:3

“Wamweda wanhu waja omtamanila Imulungu yaiyeka, kwavija Undewa wa kuulanga uli wao!

Matayo 9:30

Meso gao galola, Yesu kawazuma ng'hani, “Sikumumulongele munhu yoyose mbuli ino!”

Maluko 7:37

Wanhu wose waihulike mbuli ayo wakanganya. Walonga, “Katenda goya kila kinhu, kowatenda wanhu hawahulika wahulike na wanhu hawalonga walonge!”

Maluko 9:25

Yesu viyaluwone lunhu lowamemela, kamkomhokela kinyamkela ayo, “Gweye kinyamkela wa kuleka kulonga na kuhulika, nokulagiza umulawe mbwanga ino, sikuumwingile kabili!”

Luka 4:18

“Loho wa Mndewa Imulungu kamgati mmwangu, kwavija kanisagula niwagalile wanhu wakiwa Mbuli Inogile. Kanituma niwapetele wagodekigwe kamba olekesigwa, na waja wasuwameso walole, na kuwakombola waja wadununzigwe,

Yohana 10:25

Yesu kawedika, “Nimala kuwalongeleni, lakini hamnhogola. Mbuli zinhenda kwa udahi wa Tatangu zonilagusa,

Yohana 10:38

Lakini kamba nogatenda, hata kamba hamnitogola niye, molondigwa mutogole gaja ganisang'hane, ili mujuwe kamba Tata kokala mgati mmwangu na niye nokala mgati mwa Tata.”

Yohana 2:23

Yesu viyakalile kudibuga da Yelusalemu kuna inyimwilinyimwili ya Pasaka, wanhu wengi wamtogola viwonile mbuli nyingi za unzonza ziyatendile.

Yohana 3:2

Siku dimoja ikilo kamcholela Yesu na kamulongela, “Labi, tojuwa gweye kwa mfundiza kutumigwa na Imulungu. Kwavija kuduhu munhu yodaha kutenda unzonza kamba viutenda gweye kamba Imulungu hali hamoja nayo.”

Yohana 5:36

Lakini niye mwenyego ninao usindila mkulu kubanza wa Yohana, kija kinhenda acho kiyanigwelele Tatangu nikitende, gano gose golagusa kamba Tata ayo yanhumile.

Yohana 9:7

Yesu kamulongela, “Genda kasunhe kihanga chako hana dilamba da Siloamu.” Siloamu fambulo jake “Yatumigwe.” Avo munhu ija kachola, kasunha kihanga chake, kabwela yolola.

Sang'hano 2:22

“Wanhu wa Izilaeli! Tegelezeni mbuli zino, Yesu wa Nazaleti kakala munhu wa udahi na kalagusigwa kumwenu kwa unzonza na vilaguso viyatendile Imulungu kubitila kumwake. Mweye wenyego muijuwa mbuli ino kwavija ilawilila bahano hamwenu.

Yakobo 2:5

Ndugu zangu niwanogela, tegelezeni! Imulungu kawasagula wanhu okoneka wakiwa mwiisi ili wawe wagoli mditamanilo na wengile muundewa uja uyawalongele kowagwaa wanhu omnogela.