Matayo 11:3 - Biblia Kikutu

³ Wamuuza Yesu, “Vino gweye heyo ija iyalongile Yohana kokwiza, hebu tumbete iyagwe?”

Matayo 11:3 ပူးပေါင်းရင်းမြစ်များ

Mwanduso 12:3

Munhu yonda yakutendele ganogile na niye nomtendela ganogile. Lakini munhu yonda yakuduwile na niye nomduwila. Kubitila gweye nowatenda wanhu wa isi zose wamwede.”

Mwanduso 3:15

Nokutenda gweye na mtwanzi mwiihile, ulelo wako na ulelo wake oihila, heyo kokuhonda pala jako, na gweye kokiluma kisiginho chake.”

Mwanduso 49:10

Mkongoja wa ukulu honda usegele mmakono ga Yuda, na mkongoja wa utawala honda usegele muulelo wake mbaka vonda yeze ija mwenyego heyo makabila gose gomtegeleza.

Zabuli 118:26

Yamwede ayo yokwiza kwa twaga da Mndewa Imulungu! Kulawa mng'anda ya Mndewa Imulungu, tokugwaa nhogolwa.

Kupetigwa 24:17

Nomona ayo yonda yeze, lakini aho kumwande nomulola. Nomona lakini heli habehi. Nhondo yolawa muulelo wa Yakobo. Kolawila mndewa mna iwanhu wa Izilaeli. Kwa fimbo yake kowazabula vilongozi wa Wamoabu. Kowakoma wanhu wose wa ulelo wa Seti.

Matayo 11:10

Kwavija Yohana ayo yalongigwe mna Gamaandiko Gang'alile, ‘Imulungu kalonga, nomtuma msenga wangu yakulongolele, yaitande nzila yako.’

Matayo 11:4

Yesu kawedika, “Bweleni mkamulongele Yohana gaja gomuhulika na kugona,

Matayo 21:5

“Dilongele buga da Sayuni, Lola, mndewa wako kokwiza! Muhole na kakwela kihongwe na mwanage kihongwe.”

Matayo 21:9

Wanhu wakalile kuchugu na kuulongozi wa Yesu wakemelela, “Yatogoligwe mwana wa Daudi! Imulungu yamtambikile ija yokwiza kwa twaga da Mndewa! Imulungu yatogoligwe!”

Maluko 11:9

Wanhu wakalile kuchugu na kuulongozi wa Yesu wakemelela, “Imulungu yatogolwe! Mndewa Imulungu yamtambikile ayo yokwiza kwa twaga jake!

Luka 19:38

Walonga, “Imulungu yamtambikile Mndewa yokwiza kwa twaga da Imulungu, tindiwalo kuulanga na ukulu kwa Imulungu!”

Yohana 11:27

Mata kedika, “Ona Mndewa, notogola kamba gweye ayo Kilisito Mkombola, Mwana wa Imulungu ija yezile mwiisi.”

Yohana 12:13

Avo wabena mibunho ya biki da mtende na wachola kumbokela, wakemelela, “Imulungu yatogolwe! Imulungu yamtambikile munhu ayo yokwiza kwa twaga da Mndewa! Imulungu yamtambikile Mndewa wa Izilaeli!”

Yohana 16:14

Konigwaa niye ukulu kwavija kosola gaja gononga na kuwalongela mweye.

Yohana 4:21

Yesu kamulongela, “Mama, togola gano gonikulongela, kipindi chokwiza baho wanhu honda wamtambikile Tata kulugongo luno hebu ako Yelusalemu.

Yohana 6:14

Viwauwonile unzonza uno yautendile Yesu, wanhu walonga, “Kweli ino ayo mtula ndagu wa Imulungu yalondeke kwiza mwiisi!”

Yohana 7:31

Lakini wanhu wengi hana ulunhu wamtogola na kulonga, “Vino Kilisito Mkombola yaheza, kotenda unzonza mkulu kubanza yautendile munhu ino?”

Waebulania 10:37

Kwavija Maandiko Gang'alile golonga, “King'hali kipindi kidodo, na ija iyokwiza kokwiza, honda yakawe bule.