Matayo 10:22 - Biblia Kikutu

²² Wanhu wose owehila mweye mbuli ya twaga jangu. Lakini yoyose yonda yafunge umoyo mbaka kukimambukizo, kokomboligwa.

Matayo 10:22 ပူးပေါင်းရင်းမြစ်များ

Nongezi 29:27

Msang'hana gehile, ngevuzo kwa munhu yeli na haki, na munhu yeli na haki, ngevuzo kwa msang'hana gehile.

Matayo 10:39

Munhu yougomesa ugima wake kowagiza lakini munhu youlava ugima wake mbuli ya niye, koupata.

Matayo 24:13

lakini munhu yonda yafunge umoyo mbaka kukimambukizo kokomboligwa.

Matayo 24:9

“Abaho mogogigwa, modununzigwa na kukomigwa. Wanhu wa isi zose owehila mbuli ya niye.

Matayo 5:11

“Mmweda mweye muligigwa na kudununzwa na kulongigwa vihile, kwavija mwa wanahina zangu.

Maluko 13:13

Wanhu wose owehila mweye mbuli ya niye, lakini yoyose yonda yafunge umoyo mbaka kukimambukizo kokomboligwa.

Luka 21:17

Wanhu wose owehila mweye mbuli ya twaga jangu.

Luka 21:19

Mwahagangamala, moihonya wenyego.

Luka 6:22

“Mmweda mweye kamba wanhu omwihilani, owalema, owaliga na kuwalonga vihile kwa mbuli ya Mwana wa Munhu!

Luka 8:15

Lakini mbeyu zilagalile hali na udongo unogile zolagusa wanhu waja iwohulika mbuli ya Imulungu na kuika mmizoyo yao na kuitogola, ofunga umoyo mbaka olela matunda.

Yohana 17:14

Niwagwelela usenga wako, na wanhu wa mwiisi wawehila, kwavija haweli wanhu wa mwiisi, kamba niye vinili siyo wa mwiisi.

Yohana 7:7

Wanhu wa mwiisi hawawehila mweye, lakini onihila niye, kwavija siku zose nowalongela gaja goyotenda ganyolodoka.

Sang'hano 9:16

Niye mwenyego nomulagusila vonda yadununzike mbuli yangu.”

Walumi 2:7

Wanhu wayagwe ogendelela kutenda ganogile kuno olonda ukulu kwa Imulungu na kutogoligwa na Imulungu na kuleka kufa. Wanhu awo Imulungu kowagwaa ugima wa milele.

2 Wakolinto 4:11

Siku zose za ugima wetu twa mdizumozumo da ifa mbuli ya Yesu, ili ugima wake oneke mzing'huli zetu zifa.

Wagalatia 6:9

Avo sikutudonhe kusang'hana ganogile, kwavija kamba hatubwela kuchugu, chahavika kipindi cha kusenga tosenga.

Waebulania 3:14

Kwavija siye wose hamoja twa mgati ya Kilisito Mkombola kamba twahagogeleza goya mbaka kuuhelelo kija kitutamanile aho haichanduso.

Waebulania 6:11

Siye tolonda kila munhu kumwenu yawambe vivo mbaka kuuhelelo, ili gaja gamutamanila galawilile.

Yakobo 1:12

Kamweda munhu ija yofunga umoyo kipindi yahagezigwa, kwavija yahagangamala kobokela fungu da ugima uyalongile Imulungu kowagwaa wanhu omnogela.

1 Yohana 3:13

Avo ndugu zangu, sikumukanganye kamba wanhu wa mwiisi ino owehila mweye.

Ugubulo 2:10

Sikuudumbe gaja gonda gakutende ugaye. Tegeleza! Mwenembago kowageza na wanhu wayagwe kumwenu ogodekigwa mkifungo, na mogaya kwa siku longo, mukale kwa kutamaniligwa kwa chochose hata kamba kufa, na niye nowagwaa nhunza ya ugima.

Ugubulo 2:17

“Munhu yeli na magwiti, yategeleze gaja goyolonga Loho wa Imulungu kwa vibumbila va wanhu wamtogole Yesu! “Wanhu onda wahume nowagwaa ndiya ifisigwe ikemigwa mana. Vivija nomgwaa kila munhu dibwe zelu jandikigwe twaga da sambi hadijuwigwe na munhu yoyose ila ayo yadibokele.

Ugubulo 2:26

Munhu yonda yahume, ija yogendelela mbaka kuuhelelo kusang'hana gonilonda, nomgwaa udahi wa kuwatawala wanhu wa isi zose.

Ugubulo 2:3

Gweye kubetela, kugaya mbuli ya kunisang'hanila na hubwelile kuchugu bule.

Ugubulo 2:7

“Munhu yeli na magwiti, yategeleze gaja goyolonga Loho wa Imulungu kwa vibumbila va wanhu wamtogole Yesu! “Munhu yonda yahume nomuleka yaje matunda ga biki da ugima dili mkihati cha Imulungu.

Ugubulo 3:21

Munhu yonda yahume nomtenda yakale hamoja na nene mna ikigoda cha undewa, kamba vija niye vinihumile ng'hala hamoja na Tatangu mna ikigoda chake cha undewa.