Matayo 10:19 - Biblia Kikutu

¹⁹ Vonda wawagale mkitala, sikumugese gaja gondamulonge, kipindi chahavika mogweleligwa cha kulonga.”

Matayo 10:19 ပူးပေါင်းရင်းမြစ်များ

Kulawa 4:12

Avo, genda! Nokutaza kulonga, nokufunza cha kulonga.”

Kulawa 4:15

Gweye longa nayo na mulongele gaja gonda yalonge. Niye nowataza, na kuwafunza ga ukusang'hana.

Matayo 10:18

Mbuli ya niye mogaligwa haulongozi ha wakulu na wandewa, ili muwalongele wao na wamhazi Mbuli Inogile.

Matayo 6:25

“Lekaavo nowalongeleni, sikumuugaiye ugima, kamba moja choni hebu mong'wa choni, hebu ng'huli zenu zovala choni. Vino ugima haunogile bule kubanza ndiya? Hebu lukuli halunogile bule kubanza viwalo?

Matayo 6:31

“Avo sikumuigaze kwa kulonga, ‘Toja choni?’ hebu, ‘Tong'wa choni?’ hebu, ‘Tovala choni?’

Matayo 6:34

Avo sikumugagaiye ga mayo, kwavija mayo yoigaiya yenyego. Kila siku yoigaiya yenyego.

Luka 12:11

“Wahawagala haulongozi wa ng'anda za kumpula Imulungu, na mgameso ga wakulu wa isi na wandewa, sikumunyawenyawe vija vonda mwidike hebu kija chonda mulonge.

Luka 12:12

Kwavija Loho Yang'alile kowafundiza saa iija gaja gomulondigwa kulonga.”

Sang'hano 6:10

Lakini Loho Yang'alile kamgwaa nzewele Sitefano viyakalile kolonga, mbaka walemelwa kumuhuma.

Wafilipi 4:6

Sikumunyawenyawe kwa kinhu chochose, ila mpuleni Imulungu kwa kinhu chochose, na gaja gomulonda kuno momgwaa nhogolwa.

2 Timoseo 4:17

Lakini Mndewa kanhaza na kanigwaa nguvu, niwapetela wanhu usenga wake, ili wanhu haweli Wayahudi wauhulike. Mndewa kanihonya na ifa kamba mudilomo da simba.

Yakobo 1:5

Kamba munhu yoyose kumwenu kahungukilwa nzewele, yampule Imulungu nayo komgwaa, kwavija Imulungu kowagwaa wanhu kwa moyo unogile bila kulola kitala cha munhu.