Maluko 9:19 - Biblia Kikutu

¹⁹ Yesu kawalongela, “Mweye wanhu muleka kutamanila! Ng'hale na mweye mbaka lini? Nogela kitumbe kumgongo mbaka lini? Ngalileni hano imbwanga.”

Maluko 9:19 ပူးပေါင်းရင်းမြစ်များ

Zabuli 78:22

kwavija hawamtamanile Imulungu, na hawatogole kamba yahadahile kuwakombola.

Kupetigwa 14:11

Abaho Mndewa Imulungu kamulongela Musa, “Vino wanhu wano onibezeli mbaka lini? Mbaka lini ogendelela kuleka kunitamanila, hamoja nitenda vinhu vingi va unzonza hagati yao?

Kupetigwa 14:22

haduhu hata munhu imoja mna iwao onile ukulu wangu na unzonza niutendile Misili na kuluwala abaho onigeza miyanza yose na olema kunitegeleza,

Kupetigwa 14:27

“Wanhu wano ogendelela kuniyalalila mbaka lini? Nidonha na kuiyalala kwa wanhu wa Izilaeli!

Matayo 17:17

Yesu kawedika, “Mweye lukolo lwihile na mulibule kutamanila! Ng'hale na mweye mbaka lini? Nogela kitumbe kumgongo mbaka lini? Mgaleni hano imbwanga!”

Maluko 16:14

Kukimambukizo Yesu kawalawilila wanahina zake longo na imoja viwakalile woja. Kawakomhokela kwavija wakala wabule kutamanila na wakala wadala kuwatogolela waja wamonile viyazilibuke.

Maluko 9:18

Kinyamkela ayo yahamwizila, komulagaza hasi na kolawa miholovu mmulomo, kodafuna meno na kunyala lukuli lose. Niwalongela wanahina zako wamulave ikinyamkela, lakini hawadahile bule.”

Maluko 9:20

Avo wamgala kwa Yesu. Bahaja kinyamkela viyamone Yesu, kamgela kisango imbwanga ayo, kagwa hasi, kaibimbilisa, kuno kolava mihovu mmulomo.

Luka 24:25

Yesu kawalongela, “Mweye mwa wabozi, na mizoyo yenu midala kutogola gose galongigwe na watula ndagu wa Imulungu!

Luka 9:41

Yesu kawalongela, “Mweye lukolo lulibule kutamanila na lwagile! Nokala na mweye mbaka lini? Nogela kitumbe kumgongo mbaka lini?” Abaho kamulongela munhu ija, “Mgale hano mwanago.”

Yohana 12:27

“Sambi loho yangu yoluma, vino nongeze? Nonge, ‘Tata, sambiutende kipindi kino kivike kumwangu’? Lakini lekaavo niza ili nibite kipindi kino cha madununzo.

Yohana 20:27

Abaho kamulongela Tomaso, “Ika kidole chako hano, ulole makono gangu. Abaho golosa mkono wako wike mulubavu lwangu. Sikuukone shaka, lakini utogole!”

Kumbukumbu 32:20

Kalonga, ‘Nokifisa kihanga changu, ndole kimambukizo chao chokuwaze,’ kwavija awo ulelo wihile, na wana hawatamaniligwa.