Maluko 8:25 - Biblia Kikutu

²⁵ Yesu kamwikila makono kabili mgameso. Munhu ayo kabunhula meso na meso gake galola, nayo kadaha kulola goya vinhu vose.

Maluko 8:25 ပူးပေါင်းရင်းမြစ်များ

Nongezi 4:18

Nzila za wanhu wene haki ziigala na zuwa da imitondo, viding'ala ng'hani mbaka imisi.

Matayo 13:12

Kwavija munhu yoyose yeli na kinhu kokongezelwa ng'hani, lakini ija yelibule kinhu kobokigwa hata kija kidodo kiyelinacho.

Maluko 8:24

Munhu ija kalola, kalonga, “Nowona wanhu, lakini waigala na mibiki itembela.”

Maluko 8:26

Yesu kamulongela munhu ayo yachole ukae kumwake, kamzuma, “Sikuyabweleganye mna ikijiji.”

Sang'hano 1:10

Viwakalile wang'hali olola bunhuu kuulanga Yesu viyakalile kochola, bahaja wanhu wabili wavalile viwalo vizelu chuwee wema habehi nao.

Sang'hano 14:9

Munhu ayo kakala yomtegeleza Paulo viyakalile kolonga. Paulo kona kotamanila na kodaha kuhonyigwa, avo kamulola bunhuu,

Wafilipi 1:6

Nabule shaka kwa Imulungu yaisongile sang'hano ino inogile mmizoyo yenu, koigendeleza mbaka vonda imale mna isiku ya kubwela Yesu Kilisito.

1 Petulo 2:9

Lakini mweye mwa wanhu musaguligwe, walava nhosa wa kindewa na wanhu wa isi ing'alile, wanhu wa Imulungu, ili mupete mbuli za unzonza ziyatendile, kawakema mulawe mdiziza mwize mmulenge wa kukanganya.

2 Petulo 3:18

Lakini gendeleleni kukula mna ing'hekewa na kumjuwa Mndewa wetu na Mkombola wetu Yesu Kilisito. Ukulu uwe kumwake, sambi na siku zose! Ona.