Maluko 8:22 - Biblia Kikutu

²² Yesu na wanahina zake viwavikile Betisaida, wanhu wayagwe wamgalila Yesu munhu yakalile msuwameso, wampula yamkwase.

Maluko 8:22 ပူးပေါင်းရင်းမြစ်များ

Matayo 11:21

“Kogaya, gweye buga da Kolazini! Kogaya gweye buga da Betisaida! Maza unzonza utendigwe kumwenu mweye, wahatendigwe mna gamabuga ga Tilo na Sidoni, wanhu zake wahalekile mwaka nzambi zao na kuvala magunia na kuibakaza mitozi, kulagusa kamba waleka nzambi zao!

Matayo 14:36

Wampula yawaleke watamu wakwase mhindo ya kiwalo chake, na wose wakwasile wahona.

Matayo 8:15

Yesu kamgoga mkono wake na homa imulawa, nayo kenuka kasonga kuwasang'hanila.

Matayo 8:3

Yesu kamgolosela mkono wake, kamkwasa munhu ayo kalonga, “Nolonda, hona!” Bahaja munhu ayo kahona.

Matayo 9:29

Yesu kawakwasa meso gao, kalonga, “Ilawilile kamba vimutogola.”

Maluko 2:3

Abaho weza wanhu wane, wampapile munhu yaholole walonda kumgala kwa Yesu.

Maluko 3:10

Kwavija Yesu kawahonya wanhu wengi, avo wanhu wose wakalile watamu wakala oisung'ha sung'ha wadahe kumkwasa.

Maluko 6:45

Bahaja Yesu kawalagiza wanahina zake wakwele mwiingalawa wamulongolele kuchola Betisaida, kuna umwambu uyagwe wa lamba. Heyo kakala yolulaga lunhu lwa wanhu lusegele.

Luka 10:13

“Kogaya gweye buga da Kolazini! Kogaya gweye buga da Betisaida! Maza unzonza utendigwe kumwenu mweye wahatendigwe mna gamabuga ga Tilo na Sidoni, wanhu zake wahalekile mwaka nzambi zao na kuvala magunia na kuibakaza mitozi, kulagusa kamba waleka nzambi!

Luka 9:10

Watumigwa waja viwabwelile, wamulongela Yesu kila kinhu wakitendile. Yesu kawasola, kachola nao waiyeka kuna dibuga dikemigwe Betisaida.

Yohana 1:44

Filipo kakala mwenekae wa Betisaida kudibuga diwakalile Andeleya na Petulo.

Yohana 12:21

Wachola kwa Filipo mwenekae wa Betisaida mwiisi ya Galilaya walonga, “Go mkulu, tolonda tumone Yesu.”