Maluko 6:2 - Biblia Kikutu

² Vidivikile siku da Kubwihila, Yesu kasonga kufundiza mng'anda ya kumpula Imulungu. Wanhu wamuhulike wakanganya ng'hani, waiuza, “Munhu ino kazipata kwahi mbuli zino? Nzewele gani ino mbaka kodaha kutenda unzonza uno?

Maluko 6:2 ပူးပေါင်းရင်းမြစ်များ

Matayo 4:23

Yesu kachola mwiisi yose ya Galilaya, kafundiza mzing'anda za kumpula Imulungu na kawapetela wanhu Mbuli Inogile ya Undewa wa Imulungu na baho kawahonya wanhu wakalile na mitamu na magayo gose.

Matayo 7:28

Yesu viyamambukize kulonga avo, lunhu lose lwa wanhu lukanganya kwa mafundizo gake,

Maluko 1:39

Yesu kachola kila hanhu mwiisi ya Galilaya, kawapetela wanhu Mbuli Inogile mzing'anda za kumpula Imulungu na kulava vinyamkela.

Maluko 10:1

Abaho Yesu kasegela kachola isi ya Yudea, kaloka lwanda lwa Yolidani, lunhu lwa wanhu lumcholela Yesu kabili, nayo kawafundiza kamba viyatendaga.

Luka 2:47

Wanhu wose wamuhulike wakanganya nzewele zake na vija viyawedike.

Luka 4:15

Kakala yofundiza mna zing'anda za kumpula Imulungu na kila munhu kamgwaa nhogolwa.

Yohana 6:42

Avo walonga, “Vino ino siyo Yesu mwanage Yusufu? Tumjuwa tatake na mamake. Yokuwaze kabili kolonga kahumuluka kuulanga?”

Yohana 7:15

Wakulu wa Wayahudi wakanganya ng'hani na kulonga, “Yokuwaze munhu ino kojuwa vinhu vingi na kuno haifunzile kokose?”