Maluko 3:10 - Biblia Kikutu

¹⁰ Kwavija Yesu kawahonya wanhu wengi, avo wanhu wose wakalile watamu wakala oisung'ha sung'ha wadahe kumkwasa.

Maluko 3:10 ပူးပေါင်းရင်းမြစ်များ

Mwanduso 12:17

Lakini Mndewa Imulungu kamkoboza Falao na wanhu wose wa mng'anda yake na kawagwaa mitamu mbuli ya Salai, mwehe wake Abulamu.

Kupetigwa 11:33

Nyama viikalile ing'hali nyingi na wanhu viwakalile wang'hali kuimambukiza kuija. Mndewa Imulungu kawagevuzikila iwanhu, kawatowa kwa mikubulo mikulu.

Matayo 12:15

Yesu viyahulike mbuli ayo, kasegela hanhu aho, na lunhu mkulu lumkweleleza. Nayo kawahonya wose wakalile watamu.

Matayo 14:14

Yesu viyahumuluke mwiingalawa, kaluwona lunhu mkulu lwa wanhu, kawonela bazi, kawahonya wanhu wakalile watamu.

Matayo 14:36

Wampula yawaleke watamu wakwase mhindo ya kiwalo chake, na wose wakwasile wahona.

Matayo 4:23

Yesu kachola mwiisi yose ya Galilaya, kafundiza mzing'anda za kumpula Imulungu na kawapetela wanhu Mbuli Inogile ya Undewa wa Imulungu na baho kawahonya wanhu wakalile na mitamu na magayo gose.

Maluko 5:34

Yesu kamulongela mtwanzi ayo, “Mwanangu, kutamanila kwako kukuhonya. Genda moyo uholile, kuhona utamu wako.”

Maluko 6:56

Kila hanhu Yesu hayacholile, iwe mna ivijiji, hebu mna gamabuga, hebu mna imigunda, wanhu wawasola watamu zao na kuwagala kuna gamagulilo. Wampula Yesu yawatogolele waikwase mhindo ya kiwalo chake. Wose waikwasile wahona.

Maluko 8:22

Yesu na wanahina zake viwavikile Betisaida, wanhu wayagwe wamgalila Yesu munhu yakalile msuwameso, wampula yamkwase.

Luka 5:3

Yesu kengila mwiingalawa imoja ikalile ya Simoni, kamulonda Simoni yaikwese mgamazi. Abaho Yesu kakala mwiingalawa, kafundiza lunhu luja.

Luka 6:19

Wanhu wose wageza kumkwasa Yesu, kwavija nguvu ya kuhonya ikala ilawa kumwake na kuwahonya wose.

Luka 7:2

Ako kukala na mkulu imoja wa wakalizi gana wa Kilumi yakalile na msang'hanaji wake mtamu ng'hani, na kalonda kufa. Nayo mkulu ayo kakala yomnogela ng'hani msang'hanaji ayo.

Luka 7:21

Kipindi kikija Yesu kawahonya wanhu wengi wakalile watamu, wakalile ogaya, wakalile na vinyamkela na kawatenda wanhu wengi wakalile wasuwameso walole.

Sang'hano 5:15

Mbuli ya unzonza uwakalile otenda watumigwa, wanhu wawagala watamu mvisazi na mmikeka, ili sisila da Petulo diwakwase wanhu wayagwe viyakalile kobita.

Waebulania 12:6

kwavija Mndewa komzuma munhu yoyose yomnogela, na komkoboza munhu yoyose iyotogola kuwa mwanage.”