Maluko 2:12 - Biblia Kikutu

¹² Nayo kenuka, kapapa mkeka wake, kalawa kunze na kasegela mgameso gao. Wose wakanganya, wamtogola Imulungu na walonga, “Hatunachona kinhu kamba kino!”

Maluko 2:12 ပူးပေါင်းရင်းမြစ်များ

Matayo 12:23

Wanhu wose wakanganya. Walonga, “Vino ino siyo Mwanage Daudi?”

Matayo 15:31

Wanhu wakanganya viwone wanhu hawalonga olonga, walemale wahona, mbetembete otembela na wasuwameso olola, nao wamgwaa nhogolwa Imulungu wa Izilaeli.

Matayo 9:33

Kinyamkela viyalavigwe, munhu ija yakalile halonga, kasonga kulonga. Wanhu wakanganya na kulonga, “Hatunachona kinhu kamba kino mwiisi ya Izilaeli!”

Matayo 9:8

Wanhu viwonile avo, wadumba, wamtogola Imulungu kwa kuwagwaa wanhu udahi awo.

Maluko 1:27

Wanhu wose wakanganya ng'hani, avo wasonga kuilongela, “Vino kino choni? Mafundizo gano ga sambi! Munhu ino kana udahi wa kulava vinyamkela, nao omtegeleza!”

Maluko 2:11

“Nokulongela, lamuka, papa mkeka wako, uchole ukae!”

Luka 13:13

Yesu kamwikila makono, bahaja lukuli lwake lugoloka, nayo kamgwaa nhogolwa Imulungu.

Luka 17:15

Imoja wao viyone kahona, kabweleganya kwa Yesu kuno komgwaa nhogolwa Imulungu kwa sauti ng'hulu.

Luka 5:26

Wanhu wose wakanganya ng'hani na kudumba! Wamtogola Imulungu walonga, “Lelo tona unzonza!”

Luka 7:16

Wanhu wose wengila bwembwe na wamtogola Imulungu. Walonga, “Mtula ndagu mkulu wa Imulungu katulawilila hamwetu! Imulungu keza kuwakombola wanhu zake!”

Yohana 7:31

Lakini wanhu wengi hana ulunhu wamtogola na kulonga, “Vino Kilisito Mkombola yaheza, kotenda unzonza mkulu kubanza yautendile munhu ino?”

Yohana 9:32

Tangu chanduso cha isi yose kuduhu munhu yahulike kamba munhu yoyose kamuhonya munhu yavumbuke msuwameso.

Sang'hano 4:21

Avo wanhu wa mkitala wawazuma ng'hani abaho wawalekesa. Hawadahile kuwatagusa, kwavija wanhu wose wakala omgwaa nhogolwa Imulungu mbuli ya kija kilawilile.