Maluko 15:34 - Biblia Kikutu

³⁴ Viivikile saa tisa imisi, Yesu kalila kwa sauti ng'hulu, “Eloi, Eloi, lama, sabakitani?” Fambulo jake, “Imulungu wangu, Imulungu wangu, habali kundeka?”

Maluko 15:34 ပူးပေါင်းရင်းမြစ်များ

Zabuli 22:1

Imulungu wangu, Imulungu wangu, habali kundeka? Habali kwa kutali na ukombola wangu? Habali kwa kutali na kililo changu?

Zabuli 27:9

Sikuuleke kunilola kwa bazi. Sikuundeme kwa ng'hasiliki yako niye msang'hanaji wako, gweye ayo unitaza siku zose. Sikuunitupe wala kundeka, Imulungu Mkombola wangu.

Zabuli 42:9

Nomulongela Imulungu, dibwe jangu, “Habali kunisemwa? Habali nigendelele kuiyalala kwa koneligwa na iwanhu onihila?”

Zabuli 71:11

Olonga, “Imulungu kamuleka, mzahileni mumgoge, kwavija haduhu yonda yamkombole!”

Matayo 27:45

Viivikile saa sita imisi isi yose ikala igubikigwe na ziza totolo, ziza dijo dikala kwa masaa madatu.

Matayo 27:46

Viivikile saa tisa imisi Yesu kalila kwa sauti ng'hulu, “Eloi Eloi lama sabakitani?” Fambulo jake, “Imulungu wangu, Imulungu wangu, habali kundeka?”

Maluko 15:25

Ikala saa ndatu imitondo viwamuwambile Yesu mumsalaba.

Maluko 15:35

Wanhu wayagwe wemile aho viwamuhulike, walonga, “Tegelezeni, komkema Eliya!”

Luka 23:44

Ikala saa sita imisi, ziza diigubika isi yose mbaka saa tisa,

Luka 23:46

Yesu kalila kwa sauti ng'hulu, “Tata, noika mmakono gako loho yangu!” Viyalongile avo, kafa.

Sang'hano 10:3

Siku dimoja saa tisa imisi, Imulungu kamulagusila kinhu, kamona msenga wa kuulanga wa Imulungu kamwizila kamulongela, “Kolinelio!”

Waebulania 5:7

Yesu viyakalile mwiisi ino kampula Imulungu kwa mahozi na kukemelela kwa gaja goyolonda kwa ija yodaha kumuhonya na ifa. Kwavija kakala muhole na kailava, avo Imulungu kamwidika.