Maluko 12:33 - Biblia Kikutu

³³ Kumnogela Imulungu wako kwa moyo wako wose na kwa nzewele zako zose na kwa nguvu zako, na kumnogela miyago kamba viuinogela mwenyego, kunoga ng'hani kugoga Malagizo gano mabili kubanza kumulavila Imulungu nhosa za wanyama na nhosa ziyagwe.”

Maluko 12:33 ပူးပေါင်းရင်းမြစ်များ

1 Samweli 15:22

Lakini Samweli kamulongela, “Kwigizaga Mndewa Imulungu kolonda ng'hani nhosa za kusoma moto na sadaka ziyagwe, kubanza kuitegeleza sauti yake? Lola, kumtegeleza heyo kunoga kubanza nhosa. Kumtegeleza heyo kubanza mavuta ga ng'hondolo.

Matayo 12:7

Maza mujuwile fambulo da ulonzi uno, ‘Nolonda bazi, silonda sadaka,’ sambi muwataguse wanhu welibule gehile.

Matayo 9:13

Lakini choleni mkaifunze mna Gamaandiko Gang'alile, Imulungu kalonga, ‘Kinilonda niye bazi, siyo nhosa.’ Niye sizile kuwakema wanhu ogesa wanoga, lakini niza kuwakema wanhu wene nzambi.”

Zabuli 50:23

Imunhu yolava nhosa za kunitogola, ayo iyo yonitegeleza niye, imunhu yokweleleza nzila yangu, ayo nomulagusila ukombola wangu niye Imulungu.”

Waebulania 10:8

Tanhu kalonga, “Hulonda hebu hunogeligwa na nhosa na nhunza hebu wanyama wasomigwe muupango na nhosa za kusegesa nzambi.” Kalonga avo hata kamba nhosa zose zino zolavigwa kwa kukweleleza Malagizo ga Musa.

Nongezi 21:3

Kusang'hana ganogile na ga haki, komnogeza Mndewa Imulungu kubanza nhosa.

Kumbukumbu 6:5

Mnogeleni Mndewa Imulungu, Imulungu wako kwa moyo wako wose na kwa loho yako yose na kwa nguvu zako zose.