Maluko 12:29 - Biblia Kikutu

²⁹ Yesu kamwidika, “Lagizo dili kulu ijo dino, ‘Tegelezeni mweye wanhu wa Izilaeli! Mndewa Imulungu wetu ayo Mndewa yaiyeka.

Maluko 12:29 ပူးပေါင်းရင်းမြစ်များ

Zabuli 86:10

Kwavija gweye ayo imkulu na kotenda mbuli za kukanganya, gweye wiiyeka ayo Imulungu.

Nongezi 23:26

Mwanangu, nitegeleze kwa moyo wako wose, meso gako gakweleleze nzila zangu.

Matayo 10:37

“Munhu yoyose yomnogela tatake hebu mamake kubanza niye hafaya yawe mwanahina wangu. Na munhu yoyose yowanogela wanage hebu mndele wake kubanza niye hafaya yawe mwanahina wangu.

Matayo 23:9

Sikumumkeme munhu yoyose hano mwiisi, ‘Tata’, kwavija munayo Tata imoja yeli kuulanga.

Luka 10:27

Munhu ija kamwidika, “ ‘Mnogele Mndewa Imulungu wako kwa moyo wako wose, na kwa loho yako yose, na kwa nguvu zako zose, na kwa nzewele zako zose,’ na ‘Umnogele miyago kamba viuinogela mwenyego.’ ”

Walumi 3:30

Imulungu ni imoja, na kowatenda awo wengile kumbi wanoge mgameso gake kwa kumtamanila, vivija kowatenda awo hawengile kumbi wanoge mgameso gake kwa kumtamanila.

1 Wakolinto 8:4

Avo mbuli ya kuja ndiya ilavigwe nhosa kwa vinyago va imilungu, tojuwa vinyago siyo kinhu chochose mwiisi, tojuwa Imulungu imoja yaiyeka.

Wagalatia 3:20

Munhu yowatenda wanhu wailumbe halondigwa kamba mbuli yenyego ya munhu imoja, lakini Imulungu imoja.

Kumbukumbu 10:12

“Avo mweye wanhu wa Izilaeli Mndewa Imulungu, Imulungu wenu kolonda choni kumwenu, ila mumdumbe Mndewa Imulungu, Imulungu wenu, muzikweleleze nzila zake zose, mumnogele na mumsang'hanile Mndewa Imulungu, Imulungu wenu, kwa mizoyo yenu yose na kwa loho zenu zose,

Kumbukumbu 30:6

Mndewa Imulungu, Imulungu wenu koikosha mizoyo yenu na mizoyo ya ulelo wenu, ili mumnogele Mndewa Imulungu, Imulungu wenu kwa mizoyo yenu yose na kwa loho zenu zose avo muwe wagima.

Kumbukumbu 6:4

“Avo tegelezeni mweye wanhu wa Izilaeli, Mndewa Imulungu, Imulungu wetu, ayo Imulungu yaiyeka.

1 Timoseo 1:5

Kilamuso cha lagizo jangu dino Nikugala unogelwa ulawa muumoyo unogile na moyo uleka kukutagusa kuwa kubananga na kutamanila kwa ukweli.

1 Timoseo 2:5

Kwavija hana Imulungu imoja na hana imoja yotenda Imulungu na wanhu wailumbe, munhu ayo Yesu Kilisito,

Yakobo 2:19

Gweye kotogola kamba hana Imulungu imoja yaiyeka! Ona hata vinyamkela vivija otogola na odumba na kugwaya.

Yuda 1:25

Kwa Imulungu yaiyeka yeli Mkombola wetu, ukulu una heyo na nguvu na udahi, kubitila Mndewa wetu Yesu Kilisito kulawa ng'holo zose, sambi na siku zose! Ona.