Maluko 12:15 - Biblia Kikutu

¹⁵ Lakini Yesu kaujuwa ubala wao kawauza, “Habali monigeza? Ngalileni isente niilole.”

Maluko 12:15 ပူးပေါင်းရင်းမြစ်များ

Matayo 20:2

Kailagana nao yawalihe sente kwa sang'hano ya siku dimoja, abaho kawagala mumgunda wake wakasang'hane.

Matayo 22:18

Lakini Yesu kagajuwa magesa gao gehile, kawalongela, “Mweye mwa watapitapi, habali monigeza?

Maluko 10:2

Mafalisayo wayagwe wamcholela Yesu wamgeza, wamuuza, “Tulongele, vino vinoga mbigalo kumwasa mwehe wake?”

Maluko 12:14

Wamcholela wamulongela, “Mfundiza, tokujuwa gweye kwa munhu ulonga ukweli, humdumba munhu yoyose, hutonga ukulu wa munhu. Lakini gweye kofundiza goyolonda Imulungu wanhu wagatende. Tulongele, vino vinoga kuliha kodi kwa Mndewa wa Lumi hebu havinogile bule? Tulihe hebu sikutulihe?”

Maluko 12:16

Wamgalila isente, nayo kawauza, “Vino kihanga kino cha nani? Na twaga dino da nani?” Wamwidika, “Va Mndewa wa Lumi.”

Luka 20:23

Lakini Yesu kaujuwa mwaka ubala wao, kawalongela,

Yohana 21:17

Mwanza wa kadatu Yesu kamuuza, “Simoni mwanage Yohana, gweye koninogela?” Petulo kona usungu kwavija Yesu kamuuza mwanza wa kadatu, “Koninogela?” Avo kamulongela, “Mndewa, gweye kojuwa kila kinhu, kojuwa niye nokunogela!” Yesu kamulongela, “Wadime ng'hondolo zangu.

Yohana 8:6

Walonga vino ili wamgoge Yesu kwa mbuli zake, ili wapate kumtagusa. Lakini Yesu kainama kandika hasi kwa kidole chake.

Sang'hano 5:9

Avo Petulo kamulongela, “Vino habali gweye na mbigalo wako muilumba kumgeza Loho wa Mndewa? Wanhu wamzikile mkasano wako sambi wa hamulango na gweye okusola vivija!”

1 Wakolinto 10:9

Sikutumgeze Kilisito, kamba viwatendile wayagwe, na wakomigwa na mizoka.

Waebulania 4:13

Kuduhu kinhu chochose kifisigwe mgameso ga Imulungu. Kila kinhu kigubuligwa na koneka mgameso gake. Kumwake heyo tolondigwa kumulongela sang'hano zetu.

Ugubulo 2:23

Vivija nowakoma wanhu omkweleleza, abaho vibumbila vose va wanhu onhogola vojuwa kamba nene heyo nilola goya goyogesa na goyolonda kila munhu. Nomuliha kila imoja wenu kamba vimsang'hane.