Maluko 12:14 - Biblia Kikutu

¹⁴ Wamcholela wamulongela, “Mfundiza, tokujuwa gweye kwa munhu ulonga ukweli, humdumba munhu yoyose, hutonga ukulu wa munhu. Lakini gweye kofundiza goyolonda Imulungu wanhu wagatende. Tulongele, vino vinoga kuliha kodi kwa Mndewa wa Lumi hebu havinogile bule? Tulihe hebu sikutulihe?”

Maluko 12:14 ပူးပေါင်းရင်းမြစ်များ

Zabuli 120:2

Unikombole go Mndewa Imulungu, kulawa kwa wanhu wavizi, na kulawa kwa iwanhu owabunyika wayao.

Zabuli 55:21

Mbuli zake zamulile kubanza uki, hata ivo mmoyo wake kuna ng'hondo, mbuli zake zonyilibuka kubanza mavuta, lakini zokanha kamba sime dinoligwe.

Matayo 22:16

Wawatuma wanahina zao hamoja na wanhu wayagwe mna ikibumbila cha Helode. Walonga, “Mfundiza, tokujuwa gweye kwa munhu ulonga ukweli na kofundiza nzila za Imulungu mna ikweli. Humdumba munhu yoyose, kwavija hutonga ukulu wa munhu.

Matayo 22:17

Tulongele, gweye kokonaze? Vino vinoga kuliha kodi kwa Mndewa wa Lumi hebu havinogile bule?”

Maluko 12:13

Mafalisayo wayagwe na wanhu wa Helode wakala watumigwe kwa Yesu, wamgoge kwa mbuli zake.

Maluko 12:15

Lakini Yesu kaujuwa ubala wao kawauza, “Habali monigeza? Ngalileni isente niilole.”

Maluko 14:45

Bahaja Yuda kamcholela Yesu kamulongela, “Mfundiza!” Abaho kamnonela.

Luka 20:22

Tulongele, vino vinoga kuliha kodi kwa mndewa mkulu wa Lumi hebu havinogile bule?”

Luka 23:2

wasonga kumulavila vitala, walonga, “Tumvika munhu ino kowagiza wanhu zetu, kowagomesa wanhu sikuwalihe kodi kwa mndewa mkulu wa Lumi na koikema heyo ayo Kilisito Mkombola na koikema Mndewa.”

Yohana 7:18

Munhu ija yolonga mbuli zake kozahila nhogolwa yake mwenyego. Lakini heyo yozahila nhogolwa kumwake ija yamtumile munhu ayo mkweli, mduhu uvizi mmulomo mmwake.

Walumi 13:6

Lekaavo mweye moliha kodi, kwavija watawala wa mwiisi ni wasang'hanaji wa Imulungu, nao owasang'hanila mweye.

2 Wakolinto 2:17

Siye hatuigalile na wanhu wayagwe, opata sente kwa kuchuuza usenga wa Imulungu, siye kwa kuilumba na Kilisito tolonga fulu ipile mgameso ga Imulungu, kamba wanhu tutumigwe na Imulungu.

2 Wakolinto 2:2

Kwavija nahawanyunyuwaza mweye, nani yonda yanihoze umoyo? Siyo wawaja waniwanyunyuwaze?

2 Wakolinto 4:1

Avo, Imulungu kwa bazi jake, katugwaa sang'hano ino, na siye hatubwela kuchugu.

2 Wakolinto 5:11

Siye tojuwa choni kumdumba Mndewa, avo towamba kuwatewenza wanhu wayagwe. Imulungu kotujuwa goya, na niye nogesa kamba mweye vivija munjuwa mmizoyo yenu.

2 Wakolinto 5:16

Avo kulawa sambi, hatumgesa munhu kwa kumulola. Hamoja hana kipindi tumgesa Kilisito kwa kumulola, sambi hatutenda vivo kabili.

Wagalatia 1:10

Vino vinongile vino nolonda kutogoligwa na wanhu? Haili vivo bule! Niye nolonda kutogoligwa na Imulungu! Vino, niye nolonda kuwanogeza wanhu? Maza nhendile vivo, sambi niwe msang'hanaji wa Kilisito.

Wagalatia 2:6

Lakini wanhu wano olongigwa kuwa vilongozi, kamba kweli wakala vivo hebu si vivo, niye sitonga bule. Kwavija Imulungu hamtagusa munhu kwa kumulola kwa kunze, wanhu awo hawakalile na magesa ga kunyongezela.

Kumbukumbu 16:19

Sikumuihinduse haki, sikumubagule na sikumutogole kubokela hongo kwavija hongo dotula meso ga wanhu weli na nzewele na kuhindusa kitala cha munhu yanogile.

1 Wasesalonike 2:4

Lakini siye tolonga kamba viyolonda Imulungu, kwavija katona tofaya kutugwaa sang'hano ya kuwapetela wanhu Mbuli Inogile. Hatulonda kuwanogeza wanhu ila tolonda kumnogeza Imulungu, yoilola goya mizoyo yetu.