Maluko 11:23 - Biblia Kikutu

²³ Nowalongela ukweli, munhu yoyose yahakilongela kigongo kino, Ng'oka ukayase mbahali na hakona shaka muumoyo wake lakini kotogola kiyolonga cholawilila, na Imulungu komtendela.

Maluko 11:23 ပူးပေါင်းရင်းမြစ်များ

Zabuli 37:4

Zahila deng'ho jako kwa Mndewa Imulungu, na heyo kokugwaa gaja gousulukila mmoyo wako.

Matayo 14:13

Yesu viyagahulike gago, kasegela hanhu aho kwa ngalawa, kachola hanhu helibule wanhu. Wanhu viwahulike, walawa mmabuga gao wamkweleleza kwa magulu.

Matayo 17:20

Yesu kawedika, “Kwavija mutamanila kidogo. Nowalongeleni ukweli, mwahawa na kutamanila kidogo kamba mbeyu ndodo ya haladali, modaha kukilongela kigongo kino, ‘Segela hano uchole haja!’ nacho chochola. Mwahatendile kila kinhu!”

Matayo 21:21

Yesu kawedika, “Nowalongeleni ukweli kamba mwahatogola na kuleka kunyawanyawa, modaha kutenda kamba kija kinitendile kwa biki dino da mtini. Siyo kino kiiyeka, lakini modaha kukilongela kigongo kino, ‘Ng'oka ukayase mbahali,’ na yokuwa vivo.

Luka 17:6

Mndewa kawedika, “Maza tamanilo jenu dahakuwile kulu kamba mbeyu ndodo ya haladali, mwahadahile kudilongela biki dino da mkuyu, ‘Ng'oka ukaihande mbahali!’ najo dahawatogolele.

Yohana 14:13

Na nowatendela chochose kimpula kwa twaga jangu, ili ukulu wa Tata oneke kubitila kwa Imwana.

Yohana 15:7

Mwahakala mgati mmwangu na mbuli zangu zahakala mgati mmwenu, baho puleni chochose kimulonda, na mweye mogweleligwa.

1 Wakolinto 13:2

Vivija nodaha kuwa na nhunza ya kupeta usenga wa Imulungu, nozijuwa mbuli zose zifisigwe, na nodaha kuwa na tamanilo da kuhamiza vigongo, lakini nahaswela unogelwa niye siyo kinhu.