Maluko 10:18 - Biblia Kikutu

¹⁸ Yesu kamuuza, “Habali kong'hema unogile? Kuduhu yanogile, ila Imulungu yaiyeka.

Maluko 10:18 ပူးပေါင်းရင်းမြစ်များ

Zabuli 119:68

Gweye kunoga na kotenda ganogile, nifunze malagizo gako.

Zabuli 145:9

Mndewa Imulungu kanoga kwa wanhu wose, kana bazi kwa viumbe vake vose.

Zabuli 86:5

Gweye Mndewa gweye kunoga, na gweye kogela kumgongo, kumema unogelo hawishaga kwa iwanhu wose okukema.

Matayo 19:17

Yesu kamulongela, “Habali koniuza mbuli ya kinhu kinogile? Kuna imoja yaiyeka yanogile. Wahalonda kwingila muugima wa milele, gagoge malagizo ga Imulungu.”

Maluko 10:17

Yesu viyasongile mwanza wake kabili, munhu imoja kamkimbilila, kamfugamila kamuuza, “Mfundiza Unogile, nhende choni niupate ugima wa milele?”

Maluko 10:19

Kugajuwa Malagizo ga Musa, ‘Sikuukome, sikuutende ugoni, sikuwibe, sikuulave usindila wa uvizi, sikuulonge uvizi, wategeleze tatako na mamako.’ ”

Luka 18:19

Yesu kamuuza, “Habali kong'hema, ‘unogile’? Kuduhu yanogile, ila Imulungu yaiyeka.

Walumi 3:12

Wanhu wose wamuleka Imulungu, wose otenda gehile, kuduhu munhu yotenda ganogile, kuduhu hata imoja.

Yakobo 1:17

Kila nhunza inogile na itelele, yolawa kuulanga kwa Imulungu yalumbile vose vilava mulenge, heyo hagalukaga bule kamba sisila.

1 Yohana 4:16

Avo, siye tojuwa totamanila unogelwa wa Imulungu kumwetu. Imulungu ayo unogelwa na munhu yoyose yowanogela wayagwe kokala mgati ya Imulungu, na Imulungu kokala mgati ya munhu ayo.

1 Yohana 4:8

Munhu yelibule unogelwa hamjuwile Imulungu, kwavija Imulungu ayo unogelwa.

1 Samweli 2:2

“Kuduhu yang'alile kamba Mndewa Imulungu, kuduhu yoyose kubanza heyo, kuduhu dibwe kamba Imulungu wetu.