Maluko 10:14 - Biblia Kikutu

¹⁴ Yesu viyonile avo, kagevuzika, kawalongela, “Walekeni wana wadodo weze kumwangu sikumuwagomese kwavija Undewa wa Imulungu ni wa wanhu kamba wana wano.

Maluko 10:14 ပူးပေါင်းရင်းမြစ်များ

Mwanduso 17:7

“Lagano jangu na gweye na ulelo wako dabule uhelelo. Avo nokuwa Imulungu wako na Imulungu wa ulelo wako.

Zabuli 78:4

Hatugafisa kwa wanao, towalongela iwanhu wa ulelo ukwiza, sang'hano ng'hulu za Mndewa Imulungu, udahi wake na unzonza yautendile.

Kupetigwa 14:31

Mweye mulonga wanenu ogogigwa, lakini niye nowavikiza wanenu mwiisi imuibezeli, na isi ayo yokuwa kae yao.

Matayo 18:10

“Iteganyeni sikumumbeze imoja wa wadodo wano. Kwavija nowalongeleni wasenga wa kuulanga olola kihanga cha tatangu yeli kuulanga.

Matayo 18:4

Munhu yoyose yoihumulusa kamba mwana ino ayo mkulu kubanza wose Muundewa wa kuulanga.

Matayo 19:14

Yesu kalonga, “Walekeni wana wadodo weze kumwangu sikumuwagomese, kwavija Undewa wa kuulanga wa wanhu kamba wana wano.”

Matayo 5:10

Wamweda wanhu waja odununzika mbuli ya kutenda gaja goyolonda Imulungu, kwavija Undewa wa kuulanga uli wao!”

Matayo 5:3

“Wamweda wanhu waja omtamanila Imulungu yaiyeka, kwavija Undewa wa kuulanga uli wao!

Maluko 3:5

Yesu kawalola wanhu awo kwa kugevuzika, kawonela bazi mbuli ya udala wa mizoyo yao. Abaho kamulongela munhu ayo, “Golosa mkono wako.” Nayo kaugolosa mkono wake, na mkono wake uhona.

Maluko 8:33

Lakini Yesu kahinduka kawalola wanahina zake, kamkomhokela Petulo, “Segela kumwangu Mwenembago! Kwavija hugesa mbuli za Imulungu lakini kogesa mbuli za kiunhu!”

Yohana 3:3

Yesu kamwidika, “Nokulongela ukweli, kuduhu munhu yodaha kuwona Undewa wa Imulungu bila kuleligwa mwanza wa kabili.”

Yohana 3:5

Yesu kamwidika, “Nokulongela ukweli, kuduhu munhu yodaha kwingila Muundewa wa Imulungu bila kuleligwa kwa mazi na kwa Loho Yang'alile.

Sang'hano 2:39

Kwavija lagano da Imulungu ditendigwa mbuli yenu na mbuli ya wanenu, na wose wali mmatali na Mndewa Imulungu wetu kowakema kumwake.”

Sang'hano 3:25

Lagano da Imulungu kubitila watula ndagu zake ni jenu, na mweye mwamgati mna idilagano da Imulungu yaditendile kwa wahenga zenu. Kamba viyalongile kwa Abulahamu, ‘Kubitila lukolo lwako nowatenda wanhu wose wa mwiisi wamwede.’

Walumi 11:16

Kamba kihande cha ichanduso cha gate kilavigwa kwa Imulungu, avo gate jose dilavigwa kwa Imulungu, na kamba mzizi wa biki ulavigwa kwa Imulungu, vivija na matambi gake galavigwa kwa Imulungu.

Walumi 11:28

Kwavija Wayahudi wailema Mbuli Inogile, waihila na Imulungu mbuli ya mweye wanhu hamwili Wayahudi. Lakini kwavija wasaguligwa, wang'hali onogeligwa na Imulungu mbuli ya wahenga zao.

1 Wakolinto 14:20

Ndugu zangu, sikumugese kamba wana wadodo. Kwa mbuli ya gehile mukale kamba wana ving'hele welibule vitala, lakini mugese kamba viwogesa wanhu wabala goya.

1 Wakolinto 7:14

Kwavija mkasano hamtogola Yesu kotogoligwa na Imulungu kwa kuilumba na mwehe wake, na mwehe hamtogola Yesu kotogoligwa na Imulungu kwa kuilumba na mkasano wake. Maza haili vivo, wana wao sambi watogoligwe na Imulungu, lakini Imulungu kawatogola.

Waefeso 4:26

Mwahagevuzika, sikumutogole kugevuzika kwenu kuwatende mutende nzambi, na sikumukale na ng'hasiliki kutwa ngima.

Kumbukumbu 4:37

Kwavija kawanogela wahenga zenu na kawasagula mweye na kawalava kulawa mwiisi ya Misili kwa nguvu na udahi,

2 Timoseo 1:5

Nokumbuka kutamanila kwako kwa ukweli, kutamanila kuwakalile nako bibi yako Loisi na mamako Enike, nojuwa kuwa na gweye vivija kunako.

2 Timoseo 3:15

Na gweye kojuwa kuwa toka haudodo kugajuwa Maandiko Gang'alile, godaha kukugwaa nzewele zigala ukombola kubitila kumtamanila Yesu Kilisito.

Yoshua 8:35

Kuduhu mbuli yoyose Yoshua iyalagizwe na Musa kaleka kuisoma kuulongozi wa mting'hano wose wa Izilaeli, na kuulongozi wa iwatwanzi na iwana na iwanhu baki wakalile hagati yao.

1 Petulo 2:2

Muwe kamba wana ving'hele, viwogasulukila matombo, avo na mweye sulukileni matombo ganogile nago zizo mbuli zinogile za Imulungu, ili mudahe kukula muukombola wenu.

Ugubulo 14:5

Wanhu awo hawana longa uvizi wowose, na wabule kinhu chochose kihile kumwao.

1 Samweli 1:11

Keka lagano kalonga, “Go Mndewa Imulungu uli na udahi wose, kamba kogalola magazo gangu niye msang'hanaji wako, na kong'humbuka na hunisemwa niye msang'hanaji wako, ila konigwaa niye msang'hanaji wako mwana wa kimbigalo, avo niye nokugwelela gweye Mndewa Imulungu mwana ayo yawe wako siku zose za ugima wake, mvili zake hazibeigwa ng'oo.”

1 Samweli 1:22

Lakini mwanza awo Hana hacholile, kwavija kamulongela mbigalo wake, “Baho imwana yahaleka kukong'ha, nomgala yakekigwe kuulongozi wa Mndewa Imulungu na yakale kuko milele.”