Maluko 1:8 - Biblia Kikutu

⁸ Niye nowabatiza kwa mazi, lakini heyo kowabatiza kwa Loho Yang'alile.”

Maluko 1:8 ပူးပေါင်းရင်းမြစ်များ

Nongezi 1:23

Tegelezeni viniwazuma, nowagidila magesa gangu, nowalongela mbuli zangu.

Matayo 3:11

Niye nowabatiza mweye kwa mazi kulagusa muzileka nzambi zenu. Lakini yonda yeze kuchugu changu kowabatiza kwa Loho Yang'alile na kwa moto, heyo munhu mkulu kubanza nene, niye sifaya hata kupapa vilatu vake.

Maluko 1:7

Kawapetela wanhu, “Munhu yonda yeze kuchugu kumwangu heyo munhu mkulu kunibanza nene. Niye sifaya hata kudohola nzabi za vilatu vake.

Maluko 1:9

Mna ikipindi acho Yesu kalawa mna ikijiji cha Nazaleti mwiisi ya Galilaya na Yohana kambatiza muulwanda lwa Yolidani.

Luka 3:16

Yohana kawalongela wose, “Niye nowabatiza mweye kwa mazi, lakini kokwiza ija yeli munhu mkulu ng'hani kubanza niye. Niye sifaya hata kudohola nzabi za vilatu vake. Ayo kowabatiza kwa Loho Yang'alile na moto.

Yohana 1:26

Yohana kawedika, “Niye nowabatiza mweye kwa mazi, lakini kabaho imoja kema hagati yenu, mweye hamumjuwile bule.

Yohana 1:33

Niye nikala sijuwile kamba ayo heyo, lakini Imulungu, yanhumile kuwabatiza kwa mazi kanongela, ‘Munhu yonda umone Loho Yang'alile komuhumulukila kulawa kuulanga na kwima uchanha kwa munhu ayo, heyo ayo yonda yawabatize kwa Loho Yang'alile.’ ”

Sang'hano 1:5

Yohana kawabatiza kwa mazi, lakini mna ikipindi kidodo kumwande mobatizigwa kwa Loho Yang'alile.”

Sang'hano 10:45

Wayahudi wamtogole Yesu wezile kulawa Yopa hamoja na Petulo wakanganya viwone Imulungu vivija kawagwaa wanhu haweli Wayahudi nhunza ya Loho Yang'alile.

Sang'hano 2:17

Imulungu kolonga, ‘Vino vivo vondanhende mna isiku ya uhelelo, Nomgidila kila munhu Loho yangu. Wanenu wa kimbigalo na wa kitwanzi olagula mbuli zangu, wabwanga zenu olagusiligwa vinhu na Imulungu, wavele wenu olota nzozi.

Sang'hano 2:4

Wanhu wose wamemezigwa Loho Yang'alile na wasonga kulonga kwa ulonzi uyagwe, kamba Loho viyawadahize kulonga.

1 Wakolinto 12:13

Vivo ili kumwetu siye wose, tuwe Wayahudi hebu haweli Wayahudi, watumwa hebu wanhu walekesigwe, wose tubatizigwa kwa Loho imoja mulukuli lumoja na wose tugweleligwa Loho imoja tumng'we.